2026 оны хөлбөмбөгийн ДАШТ эхлэхэд хэдхэн хоног үлдээд байна. Азийн төлөөллүүдээс хамгийн өндөр хүлээлттэй байгаа багуудын нэг нь Япон, нөгөө нь БНСУ юм. Аль аль нь Европын топ лигүүдэд тоглодог олон тоглогчтой бөгөөд хэсгээсээ шалгарах бодит боломжтой багуудад тооцогдож байна.

Өмнөд Солонгосчуудын хувьд Чех, Мексик, Өмнөд Африктай А хэсэгт багтсан. Мексиктэй хийх тоглолт хэсгээс гарах эсэхийг шийдэх гол тулаан байх төлөвтэй. Сон Хын Мин тэргүүтэй энэ баг хэсгээс шалгарах боломжтой ч шөвгийн наймд хүрэхийн тулд илүү тогтвортой тоглолт хэрэгтэй. Бодит зорилго нь шөвгийн 16-д шалгарах явдал гэж үнэлэгдэж байна.

Нөгөө талд Япон Нидерланд, Швед, Тунистай нэг хэсэгт багтсан. Хэсгээс шалгарах магадлал өндөр бөгөөд ДАШТ-ий түүхэндээ анх удаа шөвгийн наймд шалгарах зорилготой оролцож байгаа. Олон шинжээч Японыг хэсгийн хоёрдугаар байраар гарч, шөвгийн 16-д хүрэх боломжтой гэж үзэж байна.

Хэн нь илүү хол явах боломжтой вэ?

Одоогийн байдлаар Япон багийн гүн бүрэлдэхүүн, тоглолтын систем, залуу авьяастнуудынхаа ачаар БНСУ-аас арай өндөр үнэлгээ авч байна. Харин БНСУ Сон Хын Мин, Ким Мин Жэ, И Кан Ин гэсэн дэлхийн хэмжээний оддоороо ямар ч хүчирхэг багт асуудал үүсгэх чадвартай.

Урьдчилсан таамгаар:

• Япон – Шөвгийн 16, боломж гарвал шөвгийн 8.

• БНСУ – Шөвгийн 16 хүрэх бодит боломжтой.

Японы багийн дасгалжуулагч – Хажимэ Мориясү

• Нас: 57
• Японы шигшээг 2018 оноос хойш удирдаж байна.
• 2022 оны ДАШТ-д Германыг болон Испанийг хожиж шуугиан тарьсан багийг удирдсан.
• Түүний гол зорилго бол Японыг анх удаа ДАШТ-ий шөвгийн наймд хүргэх юм.
• Мориясүгийн удирдлага дор Япон 2026 оны ДАШТ-д Азийн хамгийн хүчтэй багуудын нэгээр үнэлэгдэж байна.

Япон: Азийн хамгийн тэнцвэртэй бүрэлдэхүүн - Japan national football team

Бүрэлдэхүүн

Хаалгачид

• Зион Сүзүки

• Кейсүкэ Осака

• Томоки Хаякава

Хамгаалагчид

• Такэхиро Томиясү

• Хироки Ито

• Ко Итакүра

• Шого Танигүчи

• Цүёши Ватанабэ

• Юто Нагатомо

• Аюму Сэко

• Юкинари Сүгавара

• Жүнносүкэ Сүзүки

Хагас хамгаалагчид

• Ватарү Эндо

• Такэфуса Кубо

• Дайчи Камада

• Жүнъя Ито

• Рицү Доан

• Ао Танака

• Кейто Накамүра

• Кайшү Сано

Довтлогчид

• Аясэ Үэда

• Дайзэн Маэда

• Коки Огава

• Юито Сүзүки

• Кэнто Шиогай

• Кейсүкэ Гото

Давуу тал

Япончуудын хамгийн том хүч нь багийн зохион байгуулалт болон өргөн бүрэлдэхүүн юм. Багийн ахлагч Ватарү Эндо дунд шугамыг удирдаж, Такэфуса Кубо довтолгооны гол аюулыг бий болгоно. Мөн Томиясү, Хироки Ито нарын хамгаалалтын шугам Европт тоглодог өндөр түвшний туршлагатай.

БНСУ-ын багийн дасгалжуулагч Хон Мён Бо

• Нас: 57
• Өмнөд Солонгосын хөлбөмбөгийн домогт хамгаалагч.
• 2002 оны ДАШТ-д Солонгосыг түүхэн хагас шигшээд хүрэхэд ахлагчаар нь тоглож байсан.
• Олимпын хүрэл медальт дасгалжуулагч бөгөөд 2024 онд шигшээ багийн ахлах дасгалжуулагчаар дахин томилогдсон.
• Одоогийн бүрэлдэхүүнийг удирдан ДАШТ-ий эрхээ ялагдалгүй авсан.

БНСУ: Сон Хын Минээр удирдуулсан туршлагатай баг - South Korea national football team

Бүрэлдэхүүн

Хаалгачид

• Ким Сын Гю

• Сон Бом Гын

• Жо Хён Ү

Хамгаалагчид

• Ким Мин Жэ

• Ким Мүн Хван

• Чо Ю Мин

• И Хан Бом

• И Тэ Сок

• Соль Ён Ү

• Ким Тэ Хён

• Пак Жин Соп

• И Ки Хёк

• Йенс Кастроп

Хагас хамгаалагчид

• И Кан Ин

• Хван Ин Бом

• И Жэ Сон

• Хван Хи Чан

• Пэк Сын Хо

• Бэ Жүн Хо

• Ом Жи Сон

• Ян Хён Жүн

• Ким Жин Гю

• И Дон Гён

Довтлогчид

• Сон Хын Мин

• Чо Гю Сон

• О Хён Гю

Давуу тал

БНСУ-ын гол найдвар бол дэлхийн хэмжээний од Сон Хын Мин юм. Түүнтэй хамт хамгаалалтын төвд Ким Мин Жэ, довтолгооны ард И Кан Ин нар багийн тоглолтыг тодорхойлно. Европын том лигүүдэд тоглодог тоглогч олон байгаа нь тэдний давуу тал.

Л.Баяр