Counter-Strike 2-ын дэлхийн аваргын хамгийн сонирхолтой хэсэг болох IEM Cologne Major 2026-ын гуравдугаар шат эхлэхэд бэлэн боллоо. Энэ шатнаас дэлхийн шилдэг найман баг тэмцээнд нэгдэж, аваргын төлөөх бодит өрсөлдөөн эхлэх юм. 1xBet Монголын цахим спортын шинжээчид багуудын форм, боломжийг дүгнэж, плей-оффт шалгарах гол өрсөлдөгчдийг онцолж байна.

Гуравдугаар шатанд Европоос Team Vitality, NAVI, Team Falcons, PARIVISION, Aurora Gaming, MOUZ, Азиас The MongolZ, Америкаас FURIA оролцоно. Энэ нь өнөөгийн Counter-Strike-ийн хүчний харьцааг илэрхийлж байгаа бөгөөд сүүлийн найман жилийн хугацаанд Major тэмцээний аварга цолыг зөвхөн Европын багууд хүртэж ирсэн билээ.

Одоогийн байдлаар Team Vitality тэмцээний гол фаворитоор нэрлэгдэж байна. Ялангуяа багийн супер од ZywOo улирлын турш гайхалтай форм үзүүлж, баг нь олон тэмцээнд дараалан түрүүлээд байгаа юм. Гэсэн хэдий ч ялалтын цуврал үргэлжлэх тусам сэтгэлзүйн дарамт нэмэгддэг бөгөөд өрсөлдөгчид нь ч Vitality-ийн эсрэг илүү сайн бэлтгэж байна. Үүний эхний дохио нь IEM Atlanta 2026-ийн плей-оффт NAVI-д ялагдсан тоглолт байлаа. Гэсэн ч Vitality аваргын төлөөх хамгийн том нэр дэвшигч хэвээр үлдэж байна.

Хоёр дахь фаворитаар NAVI, Team Falcons, Spirit гэсэн гурван баг ширүүн өрсөлдөж байна. B1ad3-ийн удирдсан NAVI дахин оргил формдоо хүрч, w0nderful, makazze, b1t, iM, Aleksib нарын бүрэлдэхүүн Major-ийн өмнө тоглолтын төгс хэмнэлээ олжээ. Харин Falcons баг домогт ахлагч karrigan-ийг эгнээндээ нэгтгэснээр аваргын төлөөх хамгийн сүүлийн дутуу хэсгээ нөхсөн гэж шинжээчид үзэж байна. Учир нь NiKo, m0NESY, kyousuke зэрэг супер одуудын ур чадварын талаар хэн ч эргэлздэггүй. Нөгөө талд Stage 2-оос тэмцээнээ эхлүүлсэн Spirit баг BetBoom, MIBR, 9z багуудыг илт давуу буулган авч, аваргын өрсөлдөөнд ямар хүчтэй байгаагаа харууллаа. Ялангуяа багийн гол од donk эхний тоглолтуудад үзүүлсэн статистикаараа тэмцээний хамгийн аюултай тоглогч гэдгээ баталж байна.

Харин сенсаци бүтээх хамгийн өндөр магадлалтай баг бол Азийн шилдэг төлөөлөл The MongolZ юм. Өнгөрсөн жил Major-ийн финалд шалгарч, аваргын цомоос ганцхан алхмын зайд очсон Монголын баг бүрэлдэхүүнээ хадгалж үлдсэн бөгөөд энэ удаа Азийн анхны Major аварга болох зорилготой иржээ.

1xBet-ийн шинжээчдийн үзэж байгаагаар The MongolZ нь фаворитуудыг буулган авч чадах цөөн багийн нэг бөгөөд плей-оффт шалгарч чадвал аваргын төлөө бодитоор өрсөлдөх боломжтой. Мөн Aurora Gaming, FURIA, PARIVISION, FUT Esports багууд ч таатай сугалаа таарвал томоохон сюрприз барих чадвартай байна.

IEM Cologne Major 2026 Stage 3 шат зургаадугаар сарын 11-15-ны хооронд үргэлжлэх бол тэмцээний оргил хэсэг болох плей-оффын тоглолтууд зургаадугаар сарын 18-21-нд явагдана. Дэлхийн шилдэг багуудын тулаан, шинэ аваргын төрөх мөчийг Counter-Strike-ийн бүх фенүүд тэсэн ядан хүлээж байна.