2026 оны Хөлбөмбөгийн ДАШТ нь АНУ, Канад, Мексикт зохион байгуулагдаж байгаа бөгөөд дэлхийн хоёр домог болсон тоглогч Кристиано Роналду, Лионел Месси нарын нарын сүүлчийн ДАШТ, сүүлчийн бүжиг байх болно. Энэ удаагийн тэмцээн 48 багтай өргөжсөн учраас тэдний тоглолтуудын цаг Монголын цагаар ихэвчлэн өглөө эрт болон үүрээр таарч байна.

Лионел Мессигээр ахлуулсан Аргентины шигшээ баг

Мессигийн ахалж буй Аргентин шигшээ баг ДАШТ-ий J хэсэгт дараах тоглолтуудыг хийнэ:

• Аргентин vs Алжир
  2026.06.16
  Монголын цагаар ойролцоогоор 06:30 орчим

• Аргентин vs Австри
  2026.06.22
  Монголын цагаар 10:30 орчим

• Аргентин vs Иордан
  2026.06.27
  Монголын цагаар 07:30 орчим

Аргентин энэ тэмцээнд аваргаа хамгаалах зорилготой оролцож байгаа бөгөөд Месси багийн гол удирдагч хэвээр байна.

Кристиано Роналдугаар ахлуулсан Португалын шигшээ баг

Португалын шигшээ баг К хэсэгт багтаж дараах тоглолтуудыг хийнэ.

• Португал vs Бүгд найрамдах Конго
  2026.06.17
  Монголын цагаар ойролцоогоор 22:30 орчим

• Португал vs Узбекистан
  2026.06.23
  Монголын цагаар 22:30 орчим

• Колумб vs Португал
  2026.06.27
  Монголын цагаар 05:00 орчим

Роналду энэ удаагийн ДАШТ-ийг өөрийн сүүлчийн боломж гэж үзэж байгаа бөгөөд Португалын бүрэлдэхүүн энэ жил маш хүчтэй бүрэлдэхүүнтэй гэж шинжээчид дүгнэжээ. 

Хамгийн их хүлээлттэй мөч — Месси vs Роналду

Фэнүүдийн хамгийн их хүлээж буй зүйл бол тэдний багууд шигшээ шатанд учрах боломж юм. Хэрвээ Аргентин болон Португал хоёулаа хэсгээ тэргүүлбэл тэд шөвгийн шат, бүр финалд ч таарах боломжтой.

      2026 оны ДАШТ нь зөвхөн багуудын өрсөлдөөн биш, харин хөлбөмбөгийн түүхийг тодорхойлсон хоёр домгийн сүүлчийн том тайз гэдгээрээ дэлхий нийтийн анхаарлын төвд ороод байна.

Л.Баяр