Хөлбөмбөгийн ДАШТ-ий А хэсгийн хоёрдугаар тойргийн тоглолтод Чех болон Өмнөд Африкийн шигшээ багууд 1:1-ээр тэнцэж, оноогоо хуваалаа.

Хоёр баг хоёулаа эхний тоглолтдоо оноо авч чадалгүй үлдсэн тул энэ удаагийн тулаан тэдний хувьд онцгой ач холбогдолтой байв. Тиймээс тоглолт эхнээсээ ширүүн өрнөж, багууд боломж бүрийг ашиглахыг хичээсэн юм.

Чехийн шигшээ бөмбөг эзэмшил болон довтолгооны тоогоор бага зэрэг давуу байсан ч Өмнөд Африкийн баг сахилга баттай хамгаалалт үзүүлж, сөрөг довтолгоогоор аюул учруулсаар байлаа. Улмаар хоёр баг тус бүр нэг гоол оруулж, тоглолтын төгсгөл хүртэл шийдвэрлэх гоол орсонгүй.

Энэхүү тэнцээний дараа хоёр баг хоёулаа хэсгээс шалгарах боломжоо хадгалсан хэвээр үлдсэн ч дараагийн тоглолтууд тэдний хувь заяаг бүрэн шийднэ. А хэсэгт Мексик болон БНСУ-ын шигшээ багууд мөн өрсөлдөж байгаа тул хэсгийн өрсөлдөөн тун сонирхолтой өрнөх төлөвтэй байна.

Мексик, Өмнөд Солонгосын шигшээ багууд тус бүр гурван оноотой байгаа. Тэд одоо тоглож байгаа бөгөөд ялсан нь хэсгээс шалгарах боломжоо шууд авна. 

Л.Баяр