Хөлбөмбөгийн ДАШТ-ий А хэсгийн тэргүүлэгчдийн халз тулаан болох Мексик болон БНСУ-ын шигшээ багуудын тоглолт ширүүн өрсөлдөөнтэй болж өндөрлөлөө. Мексикийн хөгжөөн дэмжигчдийн дүүрэн Estadio Akron цэнгэлдэхэд болсон энэхүү тоглолтод талбайн эзэд өндөр прессингээрээ давуу талаа ашигласан бол Азийн хүчирхэг төлөөлөгч БНСУ техник, хурдтай тоглолтоороо хариу барив. 1xBet Монгол энэ сонирхолтой тулааны тоймыг хүргэж байна.

Мексикийн шигшээ баг тэмцээний өмнө тун сайн формтой байлаа. Тэд есөн тоглолт дараалан хожигдоогүй бөгөөд Серби, Австрали, Ганагийн шигшээг хожиж, Бельги, Португалтай тэнцсэн амжилттайгаар эх орондоо зохион байгуулагдаж буй тэмцээнд оролцож байна. Эхний тоглолтод Өмнөд Африкийг 2:0-ээр буулган авсан Мексик довтолгооны өндөр прессинг, бөмбөг булаалт, хурдан шилжилтээр өрсөлдөгчөө бүрэн давамгайлсан юм. Рауль Хименес, Хулиан Киньонес, Роберто Альварадо нарын довтолгооны шугам хамгаалагчдад амсхийх боломж олгоогүй бөгөөд Киньонесийн гоол ч яг ийм дарамтын үр дүнд орсон. Хэдий хамгаалагч Сесар Монтес улаан хуудас авч дараагийн тоглолтыг өнжих болсон ч Мексик одоогоор хэсгийн хамгийн тогтвортой багуудын нэгээр нэрлэгдэж байна.

Нөгөө талд БНСУ эхний тоглолтдоо Чехийг 2:1-ээр буулган авч, тэмцээний хамгийн үзүүштэй тоглолтын нэгийг толилуулсан юм. Дасгалжуулагч Хон Мён Богийн баг богино дамжуулалт, гоёмсог хослол, хамгаалалтын ард гарсан ухаалаг гүйлтүүдээрээ хөгжөөн дэмжигчдийн сэтгэлийг татаж чадсан. Хэдийгээр Чехийн хаалгач Матей Ковар олон аюултай довтолгоог хааж, улмаар Ладислав Крейчи Чехийг тэргүүлэлд гаргасан ч БНСУ бууж өгсөнгүй. Хван Ин Бом гайхалтай ур чадвараар тооны харьцааг тэнцүүлж, улмаар төгсгөлийн мөчид сэлгээгээр орж ирсэн О Хён Гюд гоолын дамжуулалт өгснөөр Азийн баг үнэт ялалтыг байгуулсан юм.

Түүх сөхвөл БНСУ дэлхийн хэмжээний энэ тэмцээнд Мексиктэй хоёр удаа учраа таарч байсан бөгөөд хоёр тоглолтод хоёуланд нь ялагдсан байв. Энэ удаагийн тоглолт ч мөн Мексикийн шигшээ багийн тэргүүллээр 1:0 харьцаатай өндөрлөв. Мексикийн шигшээ баг 50 дахь минутанд Луис Ромогийн оруулсаан гоолын ачаар хожил байгуулж, А хэсгийг итгэл төгс тэргүүлж байна. 

Энэ мэт бусад сонирхолтой тоглолтуудыг бүү алдаарай. Азийн барсууд болох БНСУ-ын шигшээ багийг 1xBet Монгол-той хамт дэмжиж, дэлхийн хэмжээний хөл бөмбөгийн гайхалтай өрсөлдөөнийг мэдрээрэй!