АНУ, Мексик, Канад гурван улс хамтран зохион байгуулж буй хөлбөмбөгийн ДАШТ-ий хэсгийн хоёрдугаар тойргийн тоглолтууд үргэлжилж байна. Өнгөрсөн шөнө онцлох гурван тоглолт болж өнгөрлөө. 

Аргентин 2:0 Австри

Дэлхийн аваргыг хамгаалагч Аргентин Австрийг буулган авч, хасагдах шатанд шалгарах болзлоо бзрэн хангалаа. Тоглолтын гол баатар нь мэдээж Лионел Месси байв. Тэрбээр 38, 90+5 дахь минутад хоёр гоол оруулж багаа ялалтад хөтөлсөн бөгөөд ДАШТ-ий түүхэн дэх хамгийн олон гоолтой тоглогч болж нэрээ дахин мөнхлөв.

Франц 3:0 Ирак

2018 оны ДАШТ-ий аварга, 2022 оны ДАШТ-ий мөнгөн медальт Францын шигшээ Иракийг төвөггүй буулган авч, дараагийн шатанд шалгарах боломжоо улам баталгаажуулав. Килиан Мбаппе 14, 54 дэх минутад дубль хийж, харин Усман Дембеле 66 дахь минутад гоолдсон байна. Цаг агаарын улмаас тоглолт түр саатсан ч Францын давамгайлалд нөлөөлсөнгүй.

Норвеги 3:2 Сенегал

Өнгөрсөн шөнийн хамгийн сонирхолтой тоглолт Нью-Жерсид боллоо. Норвеги Сенегалыг 3:2-оор буулган авч, хэсгээс гарахад тун ойртлоо. Норвегийн төлөө Маркус Педерсен эхний гоолыг оруулж, дараа нь Эрлинг Хааланд хоёр удаа торыг хөдөлгөв. Харин Сенегалын бүх гоолыг Исмайла Сарр оруулсан ч багтаа оноо авчирч чадсангүй.

Өнгөрсөн шөнийн гол мэргэн буучид:

• Лионел Месси (Аргентин) – 2 гоол

• Килиан Мбаппе (Франц) – 2 гоол

• Эрлинг Хааланд (Норвеги) – 2 гоол

• Исмайла Сарр (Сенегал) – 2 гоол

• Усман Дембеле (Франц) – 1 гоол

• Маркус Педерсен (Норвеги) – 1 гоол

Өнөө шөнө Англи–Гана, Португал–Узбекистан, Хорват–Панам, Колумб–БН Конго зэрэг тоглолтууд болох хуваарьтай байна.

Л.Баяр