2026 оны хөлбөмбөгийн ДАШТ-ий хэсгийн шатны гуравдугаар тойрог эхэлж, А, В, С хэсгүүдийн хувь заяа бүрэн шийдэгдлээ. Мексик, Швейцар, Бразилын шигшээ багууд хэсгээ тэргүүлж, хасагдах шатанд шалгарсан бол хэд хэдэн баг гуравдугаар байраар дараагийн шатанд шалгарах эрхийн төлөө өрсөлдөж байгаа юм. 

А хэсэг: Мексик 100 хувийн амжилтаар хэсгээ тэргүүлэв

Мексикийн шигшээ Чехийг 3:0-ээр буулган авч, гурван тоглолтоос гурван ялалт байгуулан есөн оноотой хэсгээ тэргүүллээ. Ингэснээр тэд хасагдах шатанд итгэл төгс шалгарч байна. Нөгөө тоглолтод Өмнөд Африк Өмнөд Солонгосыг 1:0-ээр хожсон ч онооны зөрүүгээр хэсгийн гуравдугаар байрт үлдэв. Өмнөд Солонгос зургаан оноотой болж, хэсгийн дэд байраар шууд эрхээ авлаа. 

А хэсгийн эцсийн байрлал

В хэсэг: Швейцар хэсгийн аварга болов

Ванкуверт болсон шийдвэрлэх тоглолтод Швейцар Канадын шигшээг 2:1-ээр буулган авч, долоон оноотой хэсгээ тэргүүллээ. Рубин Варгас, Йохан Манзамби нарын гоол ялалтыг авчирсан бол Канад хожигдсон ч дөрвөн оноотойгоор дараагийн шатанд шалгарч чадсан. Харин Босни ба Герцеговин Катарыг 3:1-ээр хожиж дөрвөн оноотой болсон ч гоолын зөрүүгээр Канадын ард бичигдэн гуравдугаар байрт үлдэв. Катар нэгхэн оноотой тэмцээнээ өндөрлүүлжээ.

В хэсгийн эцсийн байрлал

С хэсэг: Винисиусын шоу Бразилыг тэргүүлэлд хүргэлээ

Бразилын шигшээ Шотландыг 3:0-ээр бут ниргэж, хэсгийн аваргаар тодорлоо. Винисиус Жуниор дубль хийж, Матэус Кунья нэг гоол нэмснээр “Селесао” долоон оноотой болж хасагдах шатанд шалгарсан юм. Нөгөө тоглолтод Марокко Хаитиг 4:2-оор буулган авч мөн долоон оноонд хүрсэн ч гоолын зөрүүгээр Бразилын ард оржээ. Харин Шотланд гурван оноотойгоор гуравдугаар байр эзэлж, шилдэг гуравдугаар байрын нэг болох найдвараа хадгалж үлдсэн байна.

С хэсгийн эцсийн байрлал

Л.Баяр