Тулгар төрийн 2235 жил, Их Монгол Улсын 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жил, Ардчилсан хувьсгалын 36 жилийн ойн Үндэсний их баяр наадам эхлэхэд 12 хоног үлдлээ. 

Энэ жилийн баяр наадмын бөхийн барилдаанд 512, 1024 бөх барилдах эсэх нь бөхчүүд болон бөх сонирхогчдын дунд маргаан үүсгээд байна. Энэ талаар МҮБХ-ны тэргүүн Ц.Магалжав хэвлэлд өгсөн ярилцлагадаа 1024 бөх барилдуулъя гэж бөхчүүд, бөхийн холбоо, баяр наадмын бөхийн салбар хороо тал талаасаа санал гаргаж дэмжээд энэ саналаа баяр наадмын зохион байгуулах хороонд хүргүүлсэн гэж мэдэгдэв. 

Өнгөрөгч амралтын өдрүүдэд “Хүрээ цам-Даншиг наадам” болон бөхийн галуудын сорилго барилдаанууд болсон бөгөөд хэн, хэн түрүүлж үзүүрлэсэнг тоймлон хүргэе.

-“Хүрээ цам-Даншиг наадам”-д улсын заан Д.Анар түрүүлж, улсын начин Б.Түвшинтөгс үзүүрлэв.

-Ховд аймгийн "Ховд" дэвжээ галын сорилго барилдаанд улсын заан Б.Пүрэвсайхан түрүүлж, улсын харцага Г.Ганхуяг үзүүрлэв. 

-Баянхонгор аймгийн "Тэргүүн Богд" дэвжээний галын сорилго барилдаанд улсын арслан Э.Батмагнай түрүүлж, аймгийн арслан Б.Түвшинтөгс үзүүрлэв.  

-Завхан аймгийн 'Завхан Даян" дэвжээний галын сорилго барилдаанд улсын заан М.Лхагвагэрэл түрүүлж, улсын начин Б.Бадамсүрэн үзүүрлэв.  

-Хөвсгөл аймгийн "Хөвсгөлийн Хүчтэн" дэвжээний галын сорилго барилдаанд аймгийн арслан Э.Баасанжав түрүүлж, улсын начин Б.Даваа-Очир үзүүрлэв.  

-Өвөрхангай аймгийн "Их Монголын Хүчтэн" дэвжээний галын сорилго барилдаанд улсын харцага Б.Цэдэнсодном түрүүлж, улсын арслан Ц.Бямба-Отгон үзүүрлэв.  

-Говь-Алтай аймгийн "Хантайшир" дэвжээний галын сорилго барилдаанд аймгийн заан Х.Ариунбаатар түрүүлж, улсын начин Ц.Бямба-Очир үзүүрлэв.  

-Сэлэнгэ аймгийн "Таван Хан" дэвжээний галын сорилго барилдаанд аймгийн арслан М.Баасанжав түрүүлж, аймгийн заан С.Оргилбаатар үзүүрлэв.  

-Өмнөговь аймгийн "Говийн Хүчтэн" дэвжээний галын сорилго барилдаанд улсын заан Ц.Одбаяр түрүүлж, улсын начин Б.Мижидсүрэн үзүүрлэв.  

Мөн ирэх долоо хоногт Увс аймгийн "Увс нуур" галын сорилго наадам 2026.07.04-нд Ар гүнт Басу комплекст, Архангай аймгийн "Бөх билэгт" дэвжээний наадмын сорилго барилдаан ирэх сарын 4-нд тус тус болно.

А.Сүх