Монголын Допингийн эсрэг байгууллагаас 2026 оны долоодугаар сарын 6-ны өдрийн байдлаар барилдах эрх нь хасагдсан болон түр түдгэлзсэн бөхчүүдийн жагсаалтыг нийтэллээ. Уг жагсаалтад Аймгийн хурц арслан Н.Өсөхбаярын нэр багтаагүй бөгөөд энэ жилийн Үндэсний их баяр наадамд барилдах эрхтэй болжээ.

Түүний барилдах эрхийг Арбитрын шүүхийн 2026 оны зургаадугаар сарын 16-ны өдрийн шийдвэрээр сэргээсэн юм. Допингийн эсрэг байгууллагаас жагсаалтад зөвхөн хүчин төгөлдөр эрх хасах болон түр түдгэлзүүлэх шийтгэлтэй бөхчүүдийг оруулсан бөгөөд шийдвэр өөрчлөгдвөл мэдээллийг тухай бүр шинэчлэхээ мэдэгдэв.