Хөлбөмбөгийн ДАШТ-ий шөвгийн наймын тоглолтод Францын шигшээ Марокког 2:0-ээр буулган авч, хагас шигшээд шалгарлаа. Тоглолтын эхний үед хоёр баг гоолгүй тэнцсэн ч Франц хоёрдугаар хагаст давуу байдлаа ашиглаж, 60 дахь минутад Килиан Мбаппе тооны харьцааг нээв. Улмаар 66 дахь минутад Усман Дембеле алсын цохилтоор тоог 2:0 болгож, Францын ялалтыг баталгаажууллаа. Эхний хагаст Мбаппе торгуулийн цохилтоо алдсан ч дараа нь гоолоороо багаа тэргүүлэв.
Франц энэ ялалтаар ДАШТ-ий хагас шигшээд дараалан гурав дахь удаагаа шалгарч, Испани–Бельгийн тоглолтын ялагчтай хүч үзэхээр боллоо. Харин Мароккогийн энэ удаагийн аялал шөвгийн наймд өндөрлөв.
Тоглолтын статистик
- Эцсийн дүн: Франц 2:0 Марокко
- Гоол: Килиан Мбаппе (60'), Усман Дембеле (66')
- Бөмбөг эзэмшил: Франц 61% – 39% Марокко
- Цохилт: Франц 15 – 5 Марокко
- Хаалгаа оновчтой цохилт: Франц 6 – 1 Марокко
- Булангийн цохилт: Франц 7 – 2 Марокко
- Алдаа: Франц 9 – 12 Марокко
Л.Баяр
Сэтгэгдэл (3)