Европ, Өмнөд Америкийн мөнхийн өрсөлдөгчид болох Англи болон Аргентины шигшээ багууд ДАШТ-ий финалын эрхийн төлөө өрсөлдөнө. Энэхүү онцгой тоглолтын өмнө 1xBet Монгол та бүхэнд "Гурван арслангууд" болон "Ла Альбиселесте" багуудын учрааны тоймыг хүргэж байна. Томас Тухельийн удирдсан Англи шөвгийн наймд Эрлинг Хааланд тэргүүтэй Норвегийг нэмэлт цагт буулган авч хагас шигшээд шалгарсан бөгөөд Жүүд Беллингем хоёр гоол оруулж багаа аварсан юм. Тэрбээр өмнөх шатанд ч Мексикийн эсрэг дубль хийсэн бол шөвгийн 32-т Харри Кэйнийн хоёр гоол Английг Бүгд Найрамдах Ардчилсан Конго Улсыг буулган авахад гол үүрэг гүйцэтгэсэн. Харин Аргентин FIFA-гийн чансааны эхний аравт багтсан нэг ч багтай учраагүй ч тэдний туулсан зам тийм ч амар байгаагүй. Кабо Верде, Египет, Швейцарын эсрэг бүгдэд нь хүнд тоглолт хийж, Лионель Скалонигийн залуус тэмцэгч зангаа харуулсаар хагас шигшээд хүрээд байна.
Англи, Аргентин хоёрын өрсөлдөөн дэлхийн хөлбөмбөгийн хамгийн алдартай тулаануудын нэг билээ. 1966 онд Англи Жефф Херстийн гоолоор ялж, цаашлаад түүхэн дэх цорын ганц дэлхийн аваргын цомоо хүртсэн бол 1986 онд домогт Диего Марадона "Бурханы гар" болон гайхамшигт гоолоороо Аргентиныг ялалтад хүргэсэн. 1998 онд Дэвид Бекхэмийн улаан хуудас Аргентиныг торгуулийн цохилтын цувралаар ялалт байгуулах боломжийг олгосон бол 2002 онд Бекхэм өөрөө торгуулийн цохилтоор хожлын гоол оруулж Английг хариугаа авахад тусалсан юм. Энэ удаад бүх анхаарал Лионель Месси рүү чиглэнэ. 39 настай Аргентины ахлагч энэ тэмцээнд 8 гоол, 2 оновчтой дамжуулалт өгөөд байгаа бөгөөд түүнийг зогсоохын тулд Английн хамгаалалт, Деклан Райс онцгой үүрэг гүйцэтгэх шаардлагатай. Харин Английн довтолгоог Жүүд Беллингем, Харри Кэйн нар тэргүүлж байгаа бөгөөд тэд хамтдаа багийнхаа 13 гоолын 12-ыг оруулаад байна.
Англи болон Аргентин шигшээ багуудын энэхүү супер хагас шигшээ тоглолт долоодугаар сарын 15-нд Атланта хотын Мерседес-Бенц цэнгэлдэх хүрээлэнд болно. Дэлхийн шилдэг хоёр багийн түүхэн тулааныг алдалгүй үзэж, дуртай багаа дэмжээрэй. Харин 1xBe-тэй хамт хөлбөмбөгийн ДАШТ-ий хамгийн сэтгэл хөдөлгөм мөчүүдийг улам ойроос мэдрэх боломж таныг хүлээж байна.
