2026 оны хөлбөмбөгийн ДАШТ-ий гол баатруудын нэг болсон Испанийн залуу од Ламин Ямалын хувийн амьдралтай холбоотой дуулиан сүүлийн өдрүүдэд сошиал орчинд хүчтэй тархаж байна. Түүний найз охин хэмээн олонд танигдсан Инэс Гарсиа Сантосыг тойрсон хуучин харилцаа болон Реал Мадрид, Английн шигшээ багийн од Жүд Беллингемтэй холбоотой бичлэгүүд олон нийтийн анхаарлыг татжээ.

21 настай Инэс Гарсиа Сантос нь Испанийн инфлюенсер бөгөөд сошиал орчинд олон мянган дагагчтай. Тэрбээр 2026 оны ДАШТ-ий үеэр Ламин Ямалыг дэмжиж, Испани дэлхийн аварга болсны дараа түүнтэй хамт баярлаж буй зураг, бичлэгүүдээ нийтэлсэн байна. Товчхондоо тэд үерхэж байгаа нь ойлгомжтой байлаа. 

Гэвч удалгүй Инэсийг өмнө нь хэдэн жил үерхсэн найз залуугаасаа гуравхан долоо хоногийн өмнө салаад Ямалтай харилцаа үүсгэсэн гэх мэдээлэл таржээ. Зарим сошиал хэрэглэгч түүнийг Ямалын нэр хүнд, амжилтыг ашиглахын тулд хуучин харилцаагаа дуусгасан гэж буруутгаж байгаа ч энэ мэдээлэл одоогоор албан ёсоор батлагдаагүй байна. Тодруулбал, Инэс хуучин найз залуугаасаа яг ямар шалтгаанаар салсан нь тодорхойгүй. Мөн Ямалтай харилцаа үүсэхээс өмнө эсвэл дараа нь салсан эсэх талаар ч баттай баримт нийтэд ил болоогүй байна. 

Үүнээс гадна Инэсийн өмнө нь хийсэн гэх зарим хуучин бичлэг дахин тарж, тэр Жүд Беллингемийг дэмжиж байсан гэх яриа гарчээ. Тус бичлэгүүдэд Беллингемийг чадварлаг, илүү авьяастай тоглогч гэж боддог тухайгаа ярьсан байна.

Ийнхүү “Ямалын найз охин үнэндээ Беллингемийг дэмждэг байсан”, “хуучин найз залуугаа Ямалын төлөө орхисон” гэх яриа сошиалд хүчтэй тархаж байгаа ч эдгээрийн зарим нь баталгаагүй мэдээлэл хэвээр байна.

            Одоогоор тодорхой байгаа зүйл нь Инэс Гарсиа Сантос Ламин Ямалтай харилцаатай. Тэд саяхан өндөрлөсөн ДАШТ-ий дараа хамтдаа харагдсан явдал юм. Харин түүний өмнөх харилцааг гэрчлэх зураг, сэтгэгдлүүд баримтаар байгаа боловч тайлбар гараагүй байна.  

Л.Баяр