The MongolZ баг Counter-Strike 2-ын EWC 2026 тэмцээнд өмнөх оны аварга багаар оролцох гэж байгаа бөгөөд бүрэлдэхүүндээ хоёр шинэ тоглогчтойгоор аварга цолоо хамгаалж чадах уу гэдэг асуултад 1xBet платформын шинжээчид дараах дүгнэлтийг хийлээ. The MongolZ баг сүүлийн гурван ДАШТ-д цуврал плей-оффын шатанд шалгарч, BLAST.tv Austin Major 2025 тэмцээний шигшээд хүрч байсан ч IEM Cologne Major 2026 тэмцээний 3-р шатнаас хасагдсан нь багийн хувьд том урам хугаралт болж, бүрэлдэхүүнд өөрчлөлт оруулах үндэслэл болсон юм.

Багаас cobrazera сэлгээнд сууж, mzinho өөрийн найз Senzu-ийн тоглож буй BC.Game Esports руу шилжсэнээр The MongolZ баг тэдний орон зайд хоёр залуу тоглогчийг академиасаа дэвшүүлэн авсан билээ.

Шинэчлэгдсэн 1xBet The MongolZ багийн анхны тэмцээн болох BLAST Bounty 2026 Season 2-ын тоглолтууд ерөнхийдөө тогтвортой амжилттай өндөрлөсөн. Тэд онлайн шатанд HEROIC багийг 2-1, Wildcard багийг 2-0 харьцаагаар хожиж, Мальтад болсон LAN шатанд шалгарсан юм. Анхны том заалны тоглолтод тэд FaZe Clan-ы эсрэг Nuke дээр 12-3 харьцаагаар тэргүүлж явсан ч туршлагатай өрсөлдөгчдөө дараалан олон раунд алдан хожигдож (12-16), улмаар цувралд 1-2 харьцаагаар ялагдал хүлээсэн. Эхний тэмцээнээс эрт хасагдсан нь харамсалтай ч Vitality, Falcons, FURIA зэрэг шилдэг багууд LAN шатанд ч шалгарч чадаагүй бөгөөд дасгалжуулагч maaRaa-гүйгээр тоглосон нь тодорхой хэмжээнд нөлөөлсөн юм. Гэсэн хэдий ч туршлага багатай шинэ тоглогчид хувийн ур чадвараараа ялгарч, K/D үзүүлэлтээрээ багтаа мэргэн буудагч 910-ийн араас хоёр ба гуравдугаар байрт жагсаж чадсан билээ.

Esports World Cup 2026 тэмцээний CS2-ын төрөл нь 2,000,000 ам.долларын шагналын сантайгаар 8-р сарын 12-ноос 23-ны хооронд зохион байгуулагдах бөгөөд Ази тивийн шилдэг баг болон EWC 2025-ын аварга гэдэг утгаараа The MongolZ баг шууд урилгаар оролцож байна.

Дасгалжуулагчийн баг шинэ тоглогчдоо системдээ нэгтгэхэд хоёр долоо хоногийн хугацаа байсан ч багийн ойлголцлыг богино хугацаанд бүрэн сайжруулах боломжгүй бөгөөд дасгалжуулагч maaRaa энэ удаагийн тэмцээнд мөн оролцох боломжгүй байгаа юм. Шинэ тоглогчид хувийн ур чадварын хувьд өндөр түвшинд тоглож байгаа ч тэмцээний ач холбогдлоос үүдэлтэй сэтгэл зүйн дарамт нь тэдний тоглолтод нөлөөлж болох гол хүчин зүйл болж байна. Гэвч баг бүрэлдэхүүнээ дөнгөж шинэчилж байгаа тул тэднээс тоглолт бүрд заавал ялахыг шаардахгүй байгаа нь сэтгэл зүйн хувьд тайван тоглох боломжийг олгож байгаа юм.

1xBet цахим спортын шинжээчдийн хувьд The MongolZ багийг EWC 2026 тэмцээний хэсгийн шатнаасаа төвөггүй гарна гэж таамаглаж байна. Хоёр удаа хожигдох эрхтэй форматаар явагдах тул тэдний хэсгээс гарах боломж өндөр байгаа бөгөөд цаашдын плей-оффын шатанд тэдний сэтгэл зүйн тэсвэр хатуужил болон өрсөлдөгчдийн чансаанаас шалтгаалан аль болох хол явах боломжтойг онцолж байна.