EWC 2026 тэмцээний Counter-Strike 2-ын төрөл шийдвэрлэх хасагдах шатандаа шилжлээ. Хэсгийн шатнаас ялгаатай нь плей-оффт алдаа гаргах ямар ч эрх үгүй. 1xBet-ийн шинжээчид The MongolZ багийн хасагдах шатны эхний учраагийн өмнөх нөхцөл байдал болон аваргын цом руу хүрэх зам дахь боломжит өрсөлдөгчдийн хүчийг дүгнэн танилцуулж байна. The MongolZ баг плей-оффын хамгийн хүнд хагас хүснэгтэд оноолт таарсан бөгөөд Major-ын аварга Falcons багийг буулган авбал хэсгийн шатанд 1–2-оор ялагдсан NAVI-тай дахин учрах өндөр магадлалтай. Цаашлаад хагас шигшээд оргил формдоо байгаа ZywOo тэргүүтэй Vitality эсвэл donk-оор удирдуулсан Spirit багуудын ялсантай нь тулах тул амаргүй тулаанууд хүлээж байгаа нь тодорхой юм. Нөгөө хагас хүснэгтийн гол багуудаар MOUZ болон FURIA нэрлэгдэж байна.

1xBet The MongolZ баг нээлтийн тоглолтод magic-ийг 13–7-оор ялсан ч плей-оффын эрхийн төлөөх тоглолтод NAVI-д 1–2-оор тун ойрхон ялагдсан билээ. Гэвч дараагийн өдөр нь Бразилын paiN Gaming багийг Nuke дээр 13–10, Inferno дээр 13–4 харьцаагаар буулган авч плей-оффт шалгарсан юм. Нээлтийн тоглолтод 1.56 рейтингтэй гялалзсан 910-ийн үзүүлэлтийг сүүлийн тоглолтуудад багийн ахлагч bLitz давж гарсан төдийгүй шинээр ирсэн хоёр залуу тоглогч багийн тактикийн системд амжилттай дасан зохицож, тогтвортой тоглолтыг үзүүлж байна. Нөгөө талд Falcons хэсэгтээ K27-г 13–6, Astralis-ийг 2–0 (Ancient 13–7, Dust2 13–11)-ээр буулган авч нэгээр гарсан. Тэднээс m0NESY, NiKo, kyousuke нар онцгой сайн формтой байгаа бөгөөд m0NESY эхний тоглолтод 1.97 рейтинг, NiKo хоёр дахь тоглолтод 1.52 рейтинг, 41/27 KD үзүүлэлттэйгээр багаа манлайлсан юм.

Цахим спортын шинжээчид Major-ын аварга Falcons багийг илүү өндөр магадлалтай гэж үзэж байгаа ч The MongolZ тэднийг ялах бүрэн чадвартай. Сүүлийн жилүүдэд хоёр баг хоёр удаа учраа таарахад IEM Cologne 2025 тэмцээнд Монголын баг 2–0-ээр ялж байсан бол PGL Astana 2026 дээр шийдвэрлэх талбайн нэмэлт цагт л харамсалтай ялагдсан тул түүхэн харьцаагаар The MongolZ ялимгүй давуу байгаа юм. Дасгалжуулагч maaRaa тэмцээний тайзан дээр байхгүй байгаа болон шинэ тоглогчдын туршлага дутмаг байдал нөлөөлж болох ч The MongolZ багийн залуус дасгалжуулагчгүйгээр ч ялж чаддаг гэдгээ олонтаа харуулсан билээ. Түүнчлэн шинэ залуус өрсөлдөгчдөд гэнэтийн бэлэг болж чадна. Falcons-ийн дасгалжуулагчдын баг манай шинэ тоглогчдоос юу хүлээхээ мэдэхгүй байгаа бөгөөд ялангуяа The MongolZ сүүлийн гурван сарын турш 100%-ийн ялалтын хувьтай тоглож буй Dust2 дээр энэ нь илүү тод харагдана.

The MongolZ баг өнгөрсөн жилийн Esports World Cup 2025 тэмцээнд Team Vitality-г буулган авч түрүүлж байсан аварга хамгаалагч баг гэдгийг санах нь зүйтэй. Энэхүү том тайзан дээр ялж байсан туршлага нь Азийн шилдэг багт сэтгэл зүйн чухал давуу талыг авчрах болно. EWC 2026-ийн хасагдах шатны эхний тоглолтод үндэсний багаа дэмжиж, The MongolZ болон Falcons багуудын шийдвэрлэх тулааныг шууд хүлээн авч үзээрэй!