Тэртээ нэг жилийн өмнө буюу 2025 оны 9 дүгээр сард The MongolZ баг Valve болон HLTV чансааг нэгэн зэрэг тэргүүлж, албан ёсоор дэлхийн №1 CS2 багаар тодорч байсан билээ. Энэхүү нийтлэлээр тус багийн одоогийн нөхцөл байдал болон тэдэнд ирэх өвлийн Мэйжор тэмцээнд түрүүлэх боломж бий эсэхийг дүн шинжилгээ хийн хүргэж байна.
Амжилтаар дүүрэн 2025 оны дараа (BLAST.tv Austin Major 2025-ын финалд үлдэж, Esports World Cup 2025-д түрүүлсэн) багийн шилдэг тоглогч Senzu багаас гарсан гэдгийг та бүхэн мэдэж байгаа билээ. Үүний дараагаар The MongolZ 2026 оны улирлын эхний хагасыг cobrazera-ийн хамт өнгөрүүлсэн. Гэвч шинэчлэгдсэн бүрэлдэхүүн өмнөх оны өндөр амжилтад хүрч чадсангүй. Тэдний хамгийн дээд амжилт нь PGL Bucharest 2026 тэмцээний 3-р байр болон PGL Cluj-Napoca 2026 тэмцээний 4-р байр байв. Мөн IEM Cologne Major 2026 тэмцээнд The MongolZ баг 2024 оноос хойш анх удаа хасагдах шатанд шалгарч чадалгүй мултарсан юм.
Иймээс багийн удирдлагуудын зүгээс бүрэлдэхүүнд гүнзгий өөрчлөлт хийх шаардлагатайг ойлгож, mzinho-г олон улсын бүрэлдэхүүн рүү шилжүүлж, cobrazera-г сэлгээнд суулгасан. Тэдний орон зайд академиас хоёр шинэ залуу тоглогчийг дэвшүүлснээр бүрэлдэхүүнээ бүхэлд нь Монгол тоглогчдоос бүтсэн хэвээр үлдээсэн билээ. Шинэ бүрэлдэхүүнтэйгээ тэд BLAST Bounty 2026 Season 2 Finals болон EWC 2026 тэмцээний плей-оффт шалгарсан ч хоёр тэмцээний эхний хасагдах тоглолтдоо хожигдсон юм.
2025 оны гайхалтай амжилтыг сайн санаж байгаа хөгжөөн дэмжигчид The MongolZ багаас илүү их зүйлийг хүлээж байгаа нь тодорхой. Гэвч баг тамирчид одоогоор өөрсдийн оргил формдоо хүрээгүй байгаа нь хэд хэдэн шалтгаантай. Эерэг зүйлсийг эхэлж дурдахад The MongolZ баг өөрсдийн туршлагатай цөм болох багийн ахлагч bLitz, 910, Techno болон дасгалжуулагч maaRaa нарыг хадгалж үлдсэн. Ийм хүчирхэг суурьтай байхад шинэ тоглогчид багийн тактикийн системд дасан зохицоход хамаагүй хялбар бөгөөд тэдний гол үүрэг нь өндөр хувийн ур чадварыг үзүүлэх явдал юм. Эхний тоглолтуудаас харахад залуу тоглогчид дэлхийн шилдэг өрсөлдөгчдийн эсрэг ч хүчтэй өрсөлдөж чадах залуу одод болон хөгжих боломжтой нь харагдсан.
Харамсалтай нь дасгалжуулагч maaRaa хувийн шалтгааны улмаас шинэ залуус анхны тоглолтоо хийж байсан сүүлийн хоёр тэмцээнийг өнжсөн билээ. Шинэ тоглогчдод тактик, стратеги болон сэтгэл зүйн туслалцаа хамгийн их шаардлагатай байгаа энэ үед дасгалжуулагчгүй тоглоно гэдэг тун хүнд даваа байв. Гэхдээ дасгалжуулагч maaRaa дараагийн тэмцээнүүдэд эргэн ирж, шинэ тоглогчдыг системдээ бүрэн нэгтгэх үйл явцыг удирдан чиглүүлэх болно. 1xBet нь The MongolZ багийн томоохон ивээн тэтгэгчдийн нэг бөгөөд хөгжөөн дэмжигчдээс тэдний шинэ бүрэлдэхүүндээ дасан зохицох үйл явцыг тэвчээртэйгээр хүлээхийг хүсэж байна.
The MongolZ багийг шүүмжлэхээсээ өмнө дэлхийн шилдэг 10-т багтаж буй бусад багуудын тоглолтыг харах хэрэгтэй. Зуны амралт болон бүрэлдэхүүний өөрчлөлтүүдийн дараа олон шилдэг багууд хангалтгүй бэлтгэлтэй эргэн ирсэн нь харагдаж байна. 2025 оны хоёр Мэйжорын аварга Team Vitality тэмцээний эхний плей-офф тоглолтдоо хожигдсон бол Team Falcons болон Team Spirit багууд ч мөн адил тогтворгүй тоглолт үзүүлж байна. NAVI, FURIA, MOUZ зэрэг бусад шилдэг багууд ч тогтвортой тоглолтоо олж чадахгүй байгаа юм. Тиймээс одоогоор олон улсын тавцанд илт тодорсон хүчирхэг баг байхгүй байгаа бөгөөд шилдэг 20-д багтаж буй аль ч баг 2026 оны PGL Major Singapore тэмцээнд түрүүлэх боломжтой юм
The MongolZ баг ирэх 11 дүгээр сард болох PGL Major Singapore 2026 тэмцээний өмнө бэлтгэлээ хангаж, оргил формоо олохын тулд FISSURE Playground #3 (9 дүгээр сарын 8–13), PGL Masters Bucharest 2026 (10 дугаар сарын 24–31), IEM Beijing 2026 (11 дүгээр сарын 2–8) гэх тэмцээнүүдэд оролцохоор мэдэгдээд байна.
BLAST Rivals Fall 2026 болон PGL Major Singapore 2026 тэмцээнүүдэд шалгарахын тулд The MongolZ баг 10 болон 11 дүгээр сарын Valve чансаанд өндөр байр эзлэх шаардлагатай. Үүнээс цааш бүх зүйл шинэ тоглогчид дасгалжуулагч maaRaa-гийн системд хэр хурдан дасан зохицохоос шалтгаална. The MongolZ багийн албан ёсны хамтрагч 1xBet платформтой хамт үндэсний багтаа амжилт хүсэж, анхны Мэйжор цомоо авахыг нь дэмжээрэй!
