Бүрэлдэхүүндээ өөрчлөлт оруулснаас хойш 1xBet-ийн албан ёсоор ивээн тэтгэдэг The MongolZ баг Хятад улсад болох ирэх тэмцээнд гурав дахь удаагаа оролцох гэж байна. 1xBet-ийн зүгээс энэхүү тэмцээний гол өрсөлдөгчдийг шинжлэн, манай тамирчдын түрүүлэх боломжийг дүгнэж байна.
1,000,000 ам.долларын шагналын сантай FISSURE Playground #3 тэмцээн 9 дүгээр сарын 8-наас 13-ны хооронд Сужоу хотод зохион байгуулагдана. Хэсгийн шатанд 16 баг хоёр хэсэгт хуваагдан (double-elimination) өрсөлдөж, плей-оффын 6 эрхийн төлөө тоглох юм. Улмаар тэмцээн гранд финалаар өндөрлөх бөгөөд хүрэл медалийн эзнийг гуравдугаар байрын төлөөх тоглолтоор тодруулна. Хэсэг тус бүрийг тэргүүлсэн багууд шууд хагас шигшээд шалгарах бол үлдсэн дөрвөн баг шөвгийн наймаас тоглолтоо эхлүүлнэ.
Зохион байгуулагчдын зүгээс 8 дугаар сарын VRS чансаанд үндэслэн 15 багт шууд урилга олгосон бөгөөд сүүлийн нэг эрхийг хаалттай сонгон шалгаруулалтаар шийдвэрлэж уг тэмцээнд 9z Team (4), Legacy (7), FURIA (8), BetBoom Team (9), G2 Esports (11), PARIVISION (12), FaZe Clan (13), The MongolZ (15), MIBR (16), Alliance (17), TYLOO (18), Astralis (19), BIG (21), GamerLegion (22), болон magic (23) гэсэн багууд өрсөлдөхөөр боллоо (хаалтан дотор Valve-ийн чансааг харуулав).
Шахуу хуваарийн улмаас хэд хэдэн хүчирхэг баг FISSURE Playground #3 тэмцээнийг өнжихөөр болсон. Дэлхийн шилдэг 10-т багтдаг Spirit, Falcons, MOUZ, Vitality, NAVI, Aurora зэрэг 6 баг оролцохооргүй болсон нь The MongolZ багийн аварга авах магадлалыг улам нэмэгдүүлж байна.
Манай багийн хамгийн хүчирхэг өрсөлдөгчид бол FURIA, Legacy болон G2 багууд байх болно. FalleN-ээр удирдуулсан Бразилын FURIA бол мэргэжлийн тавцан дээрх хамгийн туршлагатай багуудын нэг юм. Legacy баг саяхан CS Asia Championships 2026 тэмцээний аварга, Esports World Cup 2026 тэмцээнээс хүрэл медаль хүртэн тун сайн формтой байгаа бол G2 багт шинэ тоглогч r1nkle гялалзаж байна.
The MongolZ багийн хувьд сугалаа тун таатай таарсан бөгөөд FURIA, Legacy болон ямагт тааварлашгүй FaZe Clan нар бүгд B хэсэгт хуваарилагджээ. Түүнчлэн манай баг A хэсгийн нээлтийн тоглолтод MIBR багтай таарсан бөгөөд өмнөх гурван учраандаа тэднийг бүгдэд нь хожиж байсан түүхтэй. Цаашлаад 9z Team болон нээлттэй сонгон шалгаруулалтаас гарч ирэх багуудын ялсантай нь тоглохоор байна.
9z Team нь энэ тэмцээний хамгийн өндөр чансаатай баг боловч The MongolZ тэдний эсрэг гурван хожил, ганцхан хожигдолтой гэсэн маш сайн үзүүлэлттэй байдаг. Мөн The MongolZ баг IEM Cologne Major 2026 тэмцээнээс өөрсдийг нь мулталсан 9z-ээс даагаа нэхэж, хариугаа авахаар хичээх болно.
Дээд хүснэгтийн гурав дахь тоглолтод хүрсэн хоёр баг хоёулаа плей-оффт шалгарах тул The MongolZ багийн гол зорилго бол эхний хоёр тоглолтдоо ялалт байгуулах явдал юм. Яваандаа хожигдсон ч доод хүснэгтээр дамжин плей-оффт шалгарах боломж хадгалагдана. Шинэ хоёр тоглогчийг оролцуулаад багийн гишүүн бүр сүүлийн үед сайн тоглож байгаа тул The MongolZ багт энэ тэмцээнд түрүүлэх бодит боломж бий.
Зуны амралтын дараа олон баг өөрсдийн оргил формоо хайсаар байгаа тул FISSURE Playground #3 тэмцээний плей-оффт аль багууд шалгарахыг тааварлахад бэрх юм. Гэсэн хэдий ч The MongolZ баг плей-оффт шалгарч чадвал аваргын титэм хүртэх боломж нь үлэмж хэмжээгээр нэмэгдэх болно. Уг тэмцээнийг 1xBet-ээр хүлээн авч үзэж, цахим спортын тамирчдаа идэвхтэй дэмжээрэй!
