Монголын Үндэсний бөхийн холбооны Ёс зүй, сахилга хариуцлагын зөвлөлөөс улсын болон аймаг, дүүргийн баяр наадамд бүртгүүлж, барилдаагүй, мөн барилдааны дундаас орхиж явсан бөхчүүдээс тайлбар авахаар болжээ.

Тодруулбал, Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойн Үндэсний их баяр наадмын хүчит бөхийн барилдаанд бүртгүүлсэн боловч ирж барилдаагүй бөхчүүдийн асуудалд анхаарчээ.

            Харин аймаг, дүүргийн баяр наадамд бүртгүүлж барилдаад, барилдааны дундаас орхиж явсан бөхчүүдийн жагсаалтад Багахангай дүүргийн баяр наадмаас улсын заан Ц.Мягмарсүрэн, улсын начин Г.Дармаажанцан, аймгийн арслан Б.Тайван, Б.Даваадалай, Х.Болдбаатар нар багтсан байна. Тэд дөрвийн давааны барилдаанд барилдалгүй орхиж явсан юм.

Мөн Дархан-Уул аймгийн баяр наадамд аймгийн хурц арслан С.Очирбат, аймгийн хурц арслан Б.Өсөхбаяр нар тав дахь давааг барилдалгүй шууд орхисон. Б.Өсөхбаярын хувьд Дархан-Уул аймгийн баяр наадмыг орхиж явсан улсын баяр наадамд амжиж ирэх гэсэн зорилготой байсан нь гарцаагүй. Улмаар тэр өнөө жилийн ийн наадамд Улсын начин цолны болзол хангасан билээ. Дээрх бөхчүүд тухайн барилдаанаа дундаас нь орхиж явснаас болж учраа бөхчүүд нь гар амар давж, цол чимэг нэмсэн  байдаг.

Бөхийн холбооноос хүргүүлсэн албан шаардлагад дурдсан бөхчүүд бүртгүүлээд барилдаагүй болон наадмыг дундаас нь орхиж явсан шалтгаан, нөхцөлийн талаарх тайлбараа 2026 оны аравдугаар сарын 10-ны дотор МҮБХ-ны Ёс зүй, сахилга хариуцлагын зөвлөлд бичгээр ирүүлэхийг ёстой гэнэ. МҮБХ-ны Ёс зүй, сахилга хариуцлагын зөвлөлөөс бөхчүүдийн ирүүлсэн тайлбарыг үндэслэн цаашид холбогдох шийдвэрүүдийг гаргах юм байна.

Улсын баяр наадамд бүртгүүлээд ирж барилдаагүй бөхчүүд

1. Улсын харцага Г.Батбаяр Ар

2. Улсын начин Б.Баатарцол БӨ

3. Аймгийн арслан О.Өлзиймөнх Ду

4. Аймгийн арслан Т.Мягмаржав Ув

5. Аймгийн арслан Ж.Батбилэг Тө

6. Аймгийн заан Б.Түвшинтулга Дог

7. Аймгийн заан М.Баярмандах Сэ

8. Аймгийн харцага Ч.Дагвадорж ГА

9. Аймгийн начин Б.Баяраа Ар

10. Аймгийн начин Б.Баатарболд Сэ

11. Аймгийн начин Ш.Билгүүндалай Ор

12. Аймгийн начин М.Балжинням ГА

13. Аймгийн начин П.Цэвэгжав Ув

14. Аймгийн начин Б.Гүррагчаа Тө

15. Аймгийн начин Б.Билгүүнтөгс Ув

16. Аймгийн начин О.Ерболсын БӨ

17. Аймгийн начин Ц.Чагнаадорж Бу

18. Аймгийн начин Б.Бэх-Очир Бу

19. Сумын заан Л.Гансүх Хэ

20. Сумын заан Н.Эрхэмбаатар ГС

21. Сумын заан Е.Абылай БӨ

22. Сумын заан Ц.Энхбаяр ГА

23. Сумын заан А.Анхбаяр Төв

24. Сумын заан Ж.Балжинням Ар

25. Сумын заан Э.Энхцаг Ар

26. Сумын заан Д.Батсүх Тө

27. Сумын заан Э.Батлхагва Хө

28. Сумын заан С.Тэмүүлэн ГА

29. Сумын заан Ч.Эрдэнэбаяр Өв

30. Сумын заан Н.Мягмарсүрэн Ар

31. Сумын заан Б.Лхагваа За

32. Сумын заан Д.Худабек БӨ

33. Сумын заан Д.Дашзэвэг Өв

34. Сумын заан П.Нэмэх ГА

35. Сумын заан Т.Түвшинжаргал Өв

36. Сумын заан Ц.Отгонбаяр Хо

37. Сумын заан Ц.Түмэндэмбэрэл ГА

38. Сумын заан /Аймгийн арслан/ Г.Түвшинтөр За

39. Сумын заан Ц.Дэлгэрмөрөн БӨ

40. Сумын заан Д.Бадам-Очир Ув

41. Сумын харцага Б.Энэрэл За

42. Сумын начин /сумын заан/ О.Одбаяр Тө

43. Сумын начин Ц.Буянтогтох Тө

44. Сумын начин Т.Сумьяабазар ГА

Аймаг, дүүргийн наадамд бүртгүүлж барилдаад, дундаас нь орхиж явсан бөхчүүд

А. Багахангай дүүргийн баяр наадам

1. Улсын заан Ц.Мягмарсүрэн /4-ийн даваанд/

2. Улсын начин Г.Дармаажанцан /4-ийн даваанд/

3. Аймгийн арслан Б.Тайван Хо /4-ийн даваанд/

4. Аймгийн арслан Б.Даваадалай Хо /4-ийн даваанд/

5. Аймгийн арслан Х.Болдбаатар За /4-ийн даваанд/

Б. Дархан-Уул аймгийн баяр наадам

1. Аймгийн хурц арслан С.Очирбат Да /5-ын даваанд/

2. Аймгийн хурц арслан /Улсын начин/ Б.Өсөхбаяр /5-ын даваанд/

Л.Баяр