Дуучин Д.Болд энэ сарын 24, 25, 26-нд “UB Palace”-т шинэ тоглолтоо тавихаар болсон. Тус тоглолт нь монголын олон зуун жилийн түүхтэй язгуур урлаг, морин хуур, уртын дууг түшиглэж, поп хөгжимтэй хослуулж байгаагаараа онцлогтой гэнэ. Тоглолтыг “B Production” болон “On&Off” продакшн хамтран зохион байгуулж байна. Төлөвлөсөн программын дагуу “Монгол поп”-ын бүх дуу дуулагдахаас гадна Д.Болдын 2006 оноос хойш гаргасан цомгийн хит дуунууд дуулагдах гэнэ. Морин хуурын чуулга, Намсрайжавын нэрэмжит Улсын Филармонийн Симфони найрал хөгжим, Үндэсний Дуу Бүжгийн Эрдмийн Чуулгын бүжигчид, Д.Болдын хувийн бүжигчид, түүнтэй хамтран дуулсан бүх дуучид нь тоглолтод өнгө нэмэх аж. Тоглолтын өдөр “My Duets” гэсэн шинэ цомог худалдаанд гарна. Энэ цомогт хамгийн сүүлд “Гурван охин” хамтлагийн Солотой хамтран дуулсан “Хагацаж чадах уу” дуунаас эхлээд 2006 оноос хойш өөр дуучидтай хамтарсан бүх уран бүтээлүүдээ багтаасан гэнэ.
Т.Энхэлээ
Дуучин Д.Болд энэ сарын 24, 25, 26-нд “UB Palace”-т шинэ тоглолтоо тавихаар болсон. Тус тоглолт нь монголын олон зуун жилийн түүхтэй язгуур урлаг, морин хуур, уртын дууг түшиглэж, поп хөгжимтэй хослуулж байгаагаараа онцлогтой гэнэ. Тоглолтыг “B Production” болон “On&Off” продакшн хамтран зохион байгуулж байна. Төлөвлөсөн программын дагуу “Монгол поп”-ын бүх дуу дуулагдахаас гадна Д.Болдын 2006 оноос хойш гаргасан цомгийн хит дуунууд дуулагдах гэнэ. Морин хуурын чуулга, Намсрайжавын нэрэмжит Улсын Филармонийн Симфони найрал хөгжим, Үндэсний Дуу Бүжгийн Эрдмийн Чуулгын бүжигчид, Д.Болдын хувийн бүжигчид, түүнтэй хамтран дуулсан бүх дуучид нь тоглолтод өнгө нэмэх аж. Тоглолтын өдөр “My Duets” гэсэн шинэ цомог худалдаанд гарна. Энэ цомогт хамгийн сүүлд “Гурван охин” хамтлагийн Солотой хамтран дуулсан “Хагацаж чадах уу” дуунаас эхлээд 2006 оноос хойш өөр дуучидтай хамтарсан бүх уран бүтээлүүдээ багтаасан гэнэ.
Т.Энхэлээ