Cүүлийн өдрүүдэд нийслэл гэлтгүй ихэнх нутгаар хур бороо ихтэй байгаа. Үүнээс үүдэн Алтай нуруунаас эхтэй Ховд гол Мянгад сум орчимд үерлэж үерийн аюултай түвшинг даваад байгаа юм байна. Мөн Хэнтэй нуруунаас эхтэй Хэрлэн гол Мөнгөнморьт сум орчмоор, Увс нуурын сав Хархираа, Хянганы нуруунаас эхтэй Халх голуудын усны түвшин эрс нэмэгдэж үерлээд байна. Иймд ОБЕГ-аас дээр дурдсан голуудын сав болон голын эрэг дагуу суурьшиж, зусаж буй ард иргэд, аж ахуй нэгж, байгууллагуудад сэрэмжлүүлж байна. Мөн зуны улиралд иргэдийн аялал зугаалгаар явах нь ихэсч гол ус бараадан амардаг. Амралт зугаалгаар явж буй иргэдийг голын усанд орохдоо анхаарал сэрэмжтэй байхыг онцгойгийнхон анхааруулж байна.