Киргизстанд 15 настай хүү булчирхайн тахлаар амиа алджээ. Энэхүү явдал нь тус оронд сүүлийн 30 жилд тохиолдсон ховор хэрэг боллоо хэмээн албаныхан мэдээлж байна.

Хүү вирус тээгч нохой бөөст хазуулсны дараагаас халуурч эхэлсэн байна. Эрх баригчид өвчнийг тараахгүй байх арга зам хайж эхэлсэн бөгөөд халдвар авсан байх магадлалтай 100 гаруй хүнийг хөл хорионд оруулжээ.

Хар үхэл хэмээн танигдсан булчирхайн тахал нь дундад зууны үед Европ даяар 25 сая хүний амийг авч байжээ. Энэхүү тахал нь маш ховор төрөлд тооцогддог байна.

Хүү өнгөрсөн долоо хоногт амиа алдсан байна. Хохирогчийн амьдарч байсан Иссик-Кул бүс нутгийн 2000 гаруй хүнийг булчирхайн тахалын шинжилгээнд хамруулаад байгаа аж.

Дэлхийн эрүүл мэндийн байгууллагын мэдээлснээр булчирхайн тахалын хамгийн сүүлийн тохиолдол 2010 онд Перуд гарсан байна.