1.    Эдийн засгийн тухай нийтлэлээрээ олны танил болсон Дамбадаржаагийн Жаргалсайхан эдийн засагч, банк, санхүү болон хөрөнгийн зах зээлийн мэргэжилтэн.

2.     Компани, банк, санхүүгийн байгууллагуудад менежмэнт, түүний дотор стратегийн төлөвлөлт болон өрсөлдөх чадварын зөвлөхөөр ажилладаг.

3.    Улаанбаатар Ротари Клубыг үүсгэн байгуулагчдын нэг бөгөөд 1995-1996 онд тус байгууллагын ерөнхийлөгчөөр ажиллаж байжээ.

4.    Д.Жаргалсайхан Москвагийн Улсын Их Сургуулийн эдийн засгийн ангийг 1984 онд төгссөж эдийн засагч улс төр эдийн засгийн ухааны багшийн диплом авсан.

5. Прага хотын оюутны холбооны идэвхитэй гишүүн байжээ.

6.    2002 онд АНУ-д Дэнвэрийн Их Сургуульд Бизнэсийн Удирдлагын Мастерийн (санхүүгээр төвлөрсөн) зэрэг  хамгаалсан.
7.    Капитал банкны Гүйцэтгэх захирал, ХасЛизинг компанийн Гүйцэтгэх Захиралаар ажиллаж байсан.

8.    МИАТ Тур, Жуулчин, Монгол Газрын Тосны компани болон Олон улсын Оюутны Холбоонд Прага хотод  зэрэг газар ажиллаж ирсэн.

9.    Нэг хэсэг Гадаадын хөрөнгө оруулалтын газрын дарга (FIFTA) албан тушаалтай байжээ.
10.    Тэрбээр ба “De facto” ярилцлагын нэвтрүүлгээс гадна “Мөнгөний эргэлт” зэрэг хэд хэдэн нэвтрүүлэг, баримтат кино бэлтгэдэг.

11.    Д.Жаргалсайхан өөрийгөө аль нэг улс төрийн намын гишүүн биш, иргэний нийгмийн төлөөлөгч гэж тодорхойлдог.
12.    Аль нэг намын гишүүн биш ч УИХ-н гишүүн Ц.Даваасүрэн нартай хамт Оюутолгойн гэрээг өөрчлөх ёстой талаар байр сууриа илэрхийлж, тэмцдэг нэгэн.

13.    Тэрбээр “Төрийн ажилчин гэж байхгүй, нийтийн үйлчлэгч гэж л байх ёстой. Хулгай хийдэггүй, хуйвалддаггүй, хахууль авдаггүй цөөхөн хүнийг ажиллуулж цалин мөнгийг нь ахиу болгох хэрэгтэй. Энэ мэт ажлуудыг бид л шаардаж хийнэ. Түүнээс тэд өөрсдөө хийхгүй" гэжээ.

14.    Мөн сэтгүүл зүйн ямар нэгэн сургуульд сураагүй ч “хараат бус сэтгүүлч” гэдэг.
15.    Тэрбээр гадаадад амьдардаг монголчуудтай холбоотой ажилладаг бөгөөд Монголын Америкт төгсөгчдийн холбооны Ерөнхийлөгч.

16.    Одоо "Номхон Далайн Эдийн засгийн Хамтын Ажиллагааны Монголын Үндэсний Хороо"-ны (MONPECC) Ерөнхий нарийн бичгийн даргаар ажиллаж байна.

18.    Уулын цана, гольф, унших, бичих, хөгжим сонсох хоббитой гэжээ.
19.    Түүний “Бид хорь гаруй жил яваад буцаад социализмдаа ирчихлээ” гэж хэлснийг УИХ-ын гишүүн М.Батчимэг онцолжээ.

20.    Лхагва гариг болгон Д.Жаргалсайханы нийтлэл “Ѳнѳѳдѳр” сонинд гардаг бол даваа гариг болгон “UB Post” сонин дээр англи хэл дээрх нийтлэл нь тавигддаг.

21.    Хамгийн сүүлд Монголын Засгийн газрын гадаад өр хэтэрснийг шүүмжилсэн нийтлэл гаргасан.

22.    Түүний www.jargaldefacto.com хамгийн олон уншигчтай блогуудын нэг.

23.    Твиттерт 37 мянган хүн Д.Жаргалсайханыг дагасан байдаг бол Фэйсбүүк хуудаст 8500 гаруй найзтай.

24.    Монголчууд Шудрага Татвар Ухаалаг Зардлын төлөө ТББ-ын Ерөнхийлөгч зэрэг иргэний нийгмийн ажил эрхэлж байна.