Зураач Ц.Монголын "Эх Орон" уран бүтээлийн үзэсгэлэн өнөөдөр 10.00 цагт Занабазарын нэрэмжит дүрслэх урлагийн музейд нээлтээ хийх гэж байна.  Уг үзэсгэлэнд түүний 40 гаруй бүтээл тавигдах аж. Зураач Ц.Монгол нь голчлон цэрэг, эх орны сэдэвтэй зураг зурдаг бөгөөд Монголын хөдөөгийн ахуй амьдрал, байгаль дэлхийн үзэсгэлэнг уран бүтээлдээ тусгадаг юм. Тэрбээр өмнө нь таван удаа үзэсгэлэнгээ гаргаж байсны дотор Япон улсад хоёр удаа уран бүтээлээ толилуулж байжээ. "Эх орон" үзэсгэлэн хоёр өдөр үргэлжилнэ.