Гаалийн ерөнхий газрын харьяа Шивээхүрэн дэх гаалийн газар БНХАУ-ын  Эзнээ хошууны Сэхэ боомтын гаалийн байгууллагын хооронд хамтарсан манифест солилцох ажлын нээлтийн үйл ажиллагаа 2014 оны 03 сарын 27-ны өдөр БНХАУ-ын Сэхэ боомтод зохион байгуулагдлаа. Энэхүү нээлтийн ажиллагаанд ГЕГ-ын дэд дарга Н.Энхцогт, Төрийн захиргаа, удирдлагын газрын дарга О.Даваасүрэн, Хууль сахиулах, худалдааг хөнгөвчлөх газрын дарга Ё.Бат-Эрдэнэ, Гашуун Сухайт дахь гаалийн газрын орлогч дарга Ж.Мөнхтөр нар Гаалийн ерөнхий газрыг төлөөлөн оролцсон байна. Хамтарсан манифестыг нэвтэрүүлснээр гадаад худалдааг хөнгөвчлөх, хялбарчлах, гаалийн хяналт шалгалтын цаг хугацааг хэмнэх, гаалийн зөрчлөөс урьдчилан сэргийлэх, статистикийн мэдээлэл нэгтгэх, хамтарсан хяналт шалгалт хийх үйл ажиллагааны эхлэл тавигдах зэрэгт  өндөр үр дүн бүхий ажил юм. Тус үйл ажиллагаа нь  хоёр улсын Гаалийн байгууллагын үйл ажиллагаанд үр дүн өгч эхлээд байна.