Элэглэгч Ж.Булган-Эрдэнэ, Т.Анхбаяр, Б.Нямхүү нарын хамтран байгуулсан “Пароди” хамтлаг болон, элэглэлийн мастеруудын Чапи& Суурь хамтлаг хамтран “Монгол элэглэл 2014” тоглолтоо хийхээр болжээ.

Нийгэм улс төрийн өнөөгийн байдлыг элэглэлээр тольддог  эрхмүүдийн анхны тоглолт энэ бөгөөд дундуур нь дуу явуулж залхаахгүйгээр гурван цагын турш элэглэлийн ертөнцөөр таныг аялуулахаа амласан байна.

Хотын дарга Э.Бат-Үүл, “Камертон” хамтлагийн дуучин Д.Болд, Ноён Бондгор, “Хип хоп” холбооны тэргүүн Баавар зэрэг олон олны танил хүмүүсийг ихэр мэт дууриах элэглэгчдийн тоглолт энэ сарын 21-нд 19.00 цагаас Монгол бөхийн өргөөнөө болох аж.