“Оклахома Сити Тандер” өнөөдөр “Лос Анжелес Клипперс” багийг 104:98 харьцаатай талбай дээр нь хожсоноор Өрнөд бүсийн аваргын төлөө “Сан Антонио Спөрс” багтай тоглох эрхтэй боллоо. Ингэснээр бүсийн аваргад өрсөлдөх багууд тодорч дууссан бөгөөд Дорнод бүсд “Индиана Пэйсерс”, “Майами Хит” багууд шалгараад байна.  Өнөөдөр Лигийн хамгийн үнэ цэнэтэй тоглогчийн шагналыг хүртсэн Кевин Дюрант 39 оноогоор багаа хошуучилжээ.