Орхон аймгийн прокурорын газраас санаачилан, аймгийн ГХУСАЗ зөвлөлтэй хамтран “Гэр бүлийн хүчирхийлэлтэй тэмцье” сэдэвт нэгдсэн зөвлөлгөөнийг Нутгийн удирдлагын ордоны хурлын танхимд амжилттай зохион байгуулсан байна.Нэгдсэн зөвлөлгөөнийг нээж Орхон аймгийн гэмт хэргээс урьдчилан сэргийлэх ажлыг зохицуулах зөвлөлийн дарга Б.Мягмарсүрэн үг хэлсэн ба аймгийн прокурор Ж.Мөнхжаргал, Эрүүгийн хэргийн давж заалдах шатны 7 дугаар шүүхийн ерөнхий шүүгч П.Батсайхан, Хууль зүйн хэлтсийн дарга Б.Батхуяг нар “Гэр бүлийн хүчирхийллийн талаар” хавсралт илтгэл тавин хэлэлцүүлэг өрнүүлжээ.
Зөвлөлгөөнд аймгийн хууль сахиулах байгууллагын төлөөлөл, Багийн засаг дарга, нийгмийн ажилтан, эрх зүйн хөтөч, боловсролын соёлын газрын ТББ-ын ажилтан албан хаагчид, иргэдийн төлөөллөөс бүрдсэн нийт 76 хүн оролцож санал бодлоо чөлөөтэй илэрхийлэн зөвлөлгөөнөөс гарах “Зөвлөмж”-ийн төслийг хэлэлцэн баталж, Гэр бүлийн хүчирхийлэлтэй тэмцэх хуулийн төсөлд оруулах саналыг нэгтэн хууль санаачилагчид уламжилахаар шийдвэрлэсэн байна
Энэхүү нэгдсэн Зөвлөлгөөний үйл ажиллагааг орон нутгийн “Номин” телевизээр шууд дамжуулан утсаар иргэдийн санал хүсэлтийг хүлээн авч ажилласан нь иргэд олон нийтийг хамруулсан шинэлэг бөгөөд үр дүнтэй үйл ажиллагаа болжээ.
Сэтгэгдэл (1)