Цагдаагийн албаны тухай хуулийн 24 дүгээр зүйлд "Олон нийтийн цагдаагийн ажилтан"-ы эрх зүйн байдлыг хуульчилж өгсний дагуу хууль, дүрэм, журмын хэрэгжилтийг хангуулах зорилгоор Нийслэлийн цагдаагийн газраас олон нийтийн цагдаагийн ажилтнаар ажиллуулах 190 иргэнийг Цагдаагийн Ерөнхий Газрын Сургалт дадлагын төвд олон нийтийн цагдааг мэргэжшүүлэх 21 хоногийн хугацаатай сургалтыг, 2 үе шаттайгаар зохион байгуулсан.

Сургалтын нэгдүгээр шатанд хамрагдсан эхний 50-н ажилтан анхны төгсөгчид болж сертификатаа гардаж авсан.

Харин өнөөдөр 140-н ажилтан сертификатаа гардан авлаа.
Ийнхүү 190-н иргэн Улаанбаатар хотын хэмжээнд гэмт хэргээс урьдчилан сэргийлэх, нийтийн хэв журам хамгаалах ажил үүргийг гүйцэтгэхэд бэлэн боллоо. Цагдаагийн байгууллагын түүхэнд анхны олон нийтийн цагдаагийн ажилтан гэдгээрээ онцлогтой юм.