УИХ –ын гишүүн Су.Батболд, Г.Уянга нар Швейцарийн Женев хотноо энэ оны 10 дугаар сарын 12 - 17 -нд чуулсан Олон улсын парламентын холбооны 131 дүгээр Ассамблейд оролцов. Монголын парламентын төлөөлөгчид ОУПХ-ны Ассамблейд оролцох үеэрээ Австралийн Төлөөлөгчдийн танхимын спикер, Исландын парламентын гишүүн, төлөөлөгчдийн тэргүүн, Мексикийн парламентын төлөөлөгчидтэй тус тус уулзаж, хоёр талын харилцааны зарим асуудлаар санал солилцлоо. Мөн тус хурлаар Бангладешийн парламентын гишүүн нэр дэвшигч Сабер Чоудхури Олон улсын парламентын холбооны Ерөнхийлөгчөөр сонгогдсон байна.