Нийгэмд толгой өвтгөх асуудал бишгүй л байна. Тэр дундаа ард иргэдийн нуруун дээрх ачаа өдрөөс өдөрт нэмэгдэж байгаа нь нууц биш. Адаглаад цэвэр, бохир усны асуудал хүртэл иргэдийг бухимдуулаад байна шүү дээ.
Саяхныг болтол “Ургах наран” хорооллын айлуудын бохир ус хальж, машинаар өдөрт хэд хэдэн соруулж байна гэх гомдлууд хаа сайгүй сонсогдож байсан. Улмаар хотын хаа нэгтээ байр, орон сууцны гадна бохир усны асуудал иргэдийг бухимдуулсаар байдаг. Өнөөдөр л гэхэд Сансарын “Оргил” төвийн гадна бохир ус хальсан талаар иргэд цахим ертөнцөөр илэрхийлж эхэлээ. Энэ байдалд хяналт тавих ёстой газрууд нь хяналт тавиасай гэдэг үүднээс зургийг нь дэлгэж байна.