Төрийн өмчит их, дээд сургуулиудад салбарын яамнаас боловсролын шинэчлэлт хийж байгаа. Шинэчлэлийн хүрээнд МУБИС нь сургалтын гурван улиралтай болсон бөгөөд намрын улирлын хичээл наймдугаар сарын 18-нд эхэлсэн билээ. Дээд боловсролын тухай хуулиар бол 15-16 долоо хоногоос доошгүй хугацаанд хичээллэх ёстой. Тиймээс тус сургуулийн оюутнууд арванхоёрдугаар сарын 5-наас эхлэн амарч, хоёрдугаар сарын 1-нд хичээлдээ орох ажээ. Харин хаврын улирлын хичээл тавдугаар сарын 5-ныг хүртэл үргэлжлэх юм.