Геологийн төв лабораторийн 80 гаруй ажилтан удирдлагуудаа эсэргүүцэн ТӨХ-нд хандаад байгаа юм. Учир нь орон тооны бүтэц өөрчлөх нэрээр нарийн мэргэжлийн мэргэшсэн инженер, өрх толгойлсон болон  тэтгэвэрт гарах дөхсөн, хөдөлмөрийн насны хүмүүсийг хууль бусаар халсан гэж үзэж байгаа аж.  Тус лабораторийн даргын үүрэг гүйцэтгэгчээр өнгөрсөн онд Ардчилсан залуучуудын холбооны дэд тэргүүн П.Ариунболд, Тамгын газрын даргаар тус холбооны Баян-Өлгий аймаг дахь салбар холбооны дарга Ш.Жандос томилогдон иржээ. Юутай ч тэдний хууль бусаар халсан гэх ажилчид ТӨХ-нд өгсөн гомдлынхоо хариуг хүлээж байгаа аж.