Британийн MI5 хэмээх Аюулаас хамгаалах албаны дарга Эндрью Паркер Сири дэхь Аль-Кайда бүлэглэлийн дайчид Барууныхныг заналхийлж байгааг сануулав. Францын сэтгүүлд гарсан халдлагын дараа террористууд Их Британид агаараар довтолно гэж заналхийлэх болжээ. Аль-Кайда бүлэглэл нь 3000 орчим гишүүнтэй. Тэд 2001 оны есдүгээр сард АНУ-ын онгоцыг барьцаалан, ихэр цамхгийг нураасан юм. Мөн 2005 онд амиа золиослогчид бөмбөг дэлбэлсний уршгаар Лондонгийн 52 иргэн алагджээ. Террористууд Сири, Ирак дахь цэргийн ажиллагааг эсэргүүцэн Барууныхнаас өшөө авч эхэлсэн гэж шинжээчид үзэж байна.