Хятадын Тагнуулын албаны дарга Ма Жианыг авилгын хэргээр шалгаж эхэллээ. Коммунист намын сахилгын хорооноос мэдээлж буйгаар Ма Жиан нь хуулийг ноцтойгоор зөрчсөн гэнэ. Улсын аюулгүй байдлын яамны дэд сайдын албан тушаалтай тэрээр гадаад орнуудад сөрөг тагнуулын үйл ажиллагаа явуулсаар иржээ. Ма дарга өмнөх ерөнхийлөгч Ху Жинтаогийн туслах Лин Жихуатай дотно холбоотой ажээ. Лин Жихуаг хээл хахууль авсан, нам болон төрийн нууц задруулсан байж болзошгүй гэж үзэн энэ сарын эхээр намаас нь хөөсөн юм.

Хятад улсын дарга Си Зиньпин авлигыг дарна гэсэн амлалтаа биелүүлэхийн зэрэгцээ өөрийн эрх мэдлийн баазаа бэхжүүлэхийг зорьж байна гэж ажиглагчид үзэж байна.