Төрийн ордонд Төсвийн байнгын хороо хуралдаж төсвийн тодотголыг хэлэлцлээ. Төсвийн байнгын хорооны хуралдаанаар Монгол Улсын 2015 оны төсвийн тодотголын хоёр дахь хэлэлцүүлгийг хийж байгаа бөгөөд энэ үеэр УИХ-ын гишүүн С.Ганбаатар, Д.Дэмбэрэл, Б.Чойжилсүрэн нарын гишүүд бүх яамдын дэд сайд нарын орон тоог цомхотгох зарчмын зөрүүтэй санал оруулсан ч дэмжигдсэнгүй. Харин тэтгэврийг нэмэгдүүлж буйтай холбогдуулж Нийгмийн даатгалын санд олгох хөрөнгийн эх үүсвэрийг 13 тэрбум төгрөгөөр нэмэгдүүлэх санал олонхийн дэмжлэг авч чадлаа.