Хятадын Прокурорын ерөнхий газраас 2014 оны эхний 11 сарын дотор 53 мянган төрийн албан хаагчийг авилгын хэрэгт холбогдуулан шалгажээ. Эдгээр албан хаагчдын 24 нь Жоу Юнканг зэрэг сайдын түвшний эрх мэдэлтнүүд юм.

Ардын дээд Прокурорын албаны мэдээлж буйгаар шалгагдаж буй хүмүүсийн тоо өнгөрсөн оныхоос 7 хувиар өссөн байна. Гэхдээ тэдний хэд нь гэм буруутай нь тогтоогдож, ял шийтгэл хүлээснийг нууцалж байгаа ажээ.

Прокурорууд албан тушаалын гэмт хэрэгт сэжиглэгдсэн 644 хүнийг эх орноосоо зугтах гэж байхад нь буцаан авчирсан гэдэг мэдээллийг олон нийтэд өгчээ. Цаашид бүтээн байгуулалтын төсөл, газрын наймаа, эрдэс баялгийн ашиглалт хариуцсан төрийн албан хаагчдыг улам нарийн хянаж шалгахаар болсон байна.