“Шинэ үе” продакшныхан Өвөрмонголоор аялан тоглолттой явж байгаад автомашины осолд орсон гэх мэдээллийг бид өмнө нь хүргэсэн. Ослын улмаас жүжигчин Т.Билгүүн амь насаа алдсан харамсалтай мэдээ байгаа. Мөн хоёр хүн гэмтсэн гэж эх сурвалж мэдээлж байна. Тэд Шилийн хотын төв эмнэлгийн эрчимт эмчилгээний  тасагт хэвтэн эмчлүүлж байгаа юм байна.

Тэд сар шинийн баярт зориулсан “Инээдтэй үдэш” нэвтрүүлэгт оролцохоор Хөх хотод очжээ. Нэвтрүүлгийн дараагаар Өвөрмонголоор аялан тоглох төлөвлөгөөтэй байсан бөгөөд Зүүн үзэмчин хошуунаас Шилийн хот руу явж байгаад ийн осолдсон байна. Тэдэнтэй хамт “Шилдэг өнгө”, “Мөрөөдлийн театр”-ынхан хамт явж байжээ.