Форбс сэтгүүлийн шинжээчид Дэлхийн хамгийн өндөр орлоготой ер бусын мэргэжлүүдийн жагсаалтыг гаргажээ. Энэхүү жагсаалтанд нилээн сонин мэргэжлүүд орсон байна. Тухайлбал байлдааны шумбадаг завьны тогооч юм. Шумбадаг завин дээр хүн болгон ажиллаж чадахгүй боловч ийм тогоочийн жилийн орлого нь 200 мянган доллар гэнэ.

Харин Францын ресторанд дарс нийлүүлдэг, сайн дарс хадгалдаг сомелье гэдэг мэргэжлийн хүн жилдээ 160 мянган долларын орлоготой байдаг боловч ажил нь тун хөнгөхөн гэнэ. Ер нь, энэ жагсаалтанд орсон зарим мэргэжлүүдийг та бүхэн хэзээ ч сонсоогүй байж болох юм. Тухайлбал, нохойны сэтгэлзүйчийн мэргэжилтэй хүн жилдээ 100 мянган долларын орлого олдог ажээ.

Барууны хотуудын хог цэвэрлэгч 12 сар хөдөлмөрлөөд яг төдий хэрийн мөнгө цуглуулж болох юм. Харин оршуулгын ажил эрхэлдэг буяны пүүсийн ажилтан жилдээ 80 мянган долларын цалин авдаг. Нас барсан хүмүүсийн шарилыг занданшуулдаг мэргэжлийн хүн жилдээ 44 мянган доллар олдог ажээ.