ОХУ 2014 онд алт үйлдвэрлэлээ долоон хувиар нэмэгдүүлж, 272 тоннд хүргэснээр дэлхийн томоохон үнэт металл үйлдвэрлэгчдийн жагсаалтад хоёрдугаар байрт очжээ. Гэхдээ жагсаалтыг тэргүүлэгчийн байранд очиход тийм ч амаргүй. Учир нь Хятад улс жил бүр 400 тонноос багагүй алт олборлодог бол 2014 онд 465,7 тонн алт олборложээ. Сонирхуулахад, 2014 онд дэлхийн алт үйлдвэрлэл хоёр хувиар өсч, 3,109 мянга болсон бол зах зээл дээрх эрэлт өөрчлөгдөөгүй юм. Өнгөрсөн онд алтны эрэлт дэлхий дахинд 18,7 хувиар буурч, 4,041 тонн болжээ. Тэр дундаа гоёл чимэглэлийн үйлдвэрүүдийн эрэлт 10,5 хувиар буурч, 2,133 мянган тонн болжээ.