ОХУ-ын нийслэл Москвагаас 858 км-ийн зайтай орших Саратов хотод улбар шар өнгөтэй цас орж, нутгийн иргэдийг гайхшруулжээ. Хотын оршин суугчид өвөрмөц цасны зургийг интернэт сайтуудад тасралтгүй нийтэлсээр байна. Гэхдээ шар өнгөтэй цас орох нь сайн зүйл биш гэнэ. Саратовын хөрсөнд цацраг идэвхит бодис эсвэл химийн аюултай нэгдэл агуулагдаж байгаа учраас цасны өнгө ингэж хувирсан гэж байгаль шинжээчид таамаглажээ.

Тэгвэл Саратовын Цаг уурын албаны захирал Михайл Болтукын “Энэ бол хэвийн үзэгдэл. Хүн, амьтанд ямар ч нөлөөгүй. Баруун Сахарын циклон салхины нөлөөгөөр Африкийн цөлийн элс Оросын нутаг дэвсгэрт орж ирж байгаа. Үүний улмаас цасны өнгө хувирсан” хэмээн мэдэгджээ.