Исламын улсын хэт даврагчид Иордан нисэгч Моаз аль-Касасбехийг амьдаар нь шатааж буй бичлэгийг онлайнаар цацсанаар тус улсын иргэн амиа алдсан болох нь албан ёсоор батлагдав. Тэд нисэгчийг төмөр торонд хорин шатааж байгаа нь бичлэгээс тод харагджээ. Хэт даврагчид өнгөрсөн нэгдүгээр сард Японы хоёр иргэнийг барьцаалж улмаар амийг хороосон билээ. Тэдэнтэй хамт арванхоёрдугаар сард барьцаалагдсан Иордан нисэгч Моаз аль-Касасбех хамт хоригдож байсан юм. Моаз нисэгчийн онгоц Сирийн Раккад унах үеэр хэт даврагчид түүнийг барьцаалсан ажээ.
Өдийг хүртэл Исламын улсынхан Иордан нисгэгчийн дүрс бичлэгийг цацаж, амьд гэдгийг батлах ямар нэгэн зүйл үзүүлж чадаагүй юм. “CNN” агентлагийн мэдээлснээр Моаз аль-Касасбехийг нэгдүгээр сарын 3-нд хөнөөсөн байжээ. Ийнхүү 26 настай Иорданы нисгэгч хэт даврагчдын гарт хэрцгийгээр амиа алдсан нь олон нийтийн уур бухимдлыг дээд цэгт нь хүргээд байгаа аж. Тэд энэ хэргийн төлөөсийг авахыг эрх баригчдаасаа шаардаж байна.
Сэтгэгдэл (5)