Ерөнхийлөгч Ц.Элбэгдорж орон тооны бус зөвлөхүүдээ, араас нь орон тооны хоёр зөвлөхөө ажлаас нь чөлөөлсөн. Тэдний нэг Байгаль орчин, амьдрах орчны бодлогын зөвлөх Э.Зоригтийг Хууль зүйн яамны Төрийн захиргааны удирдлагын газрын даргаар томилж байгааг эх сурвалж мэдээлээ.
Э.Зоригт нь 1968 онд төрсөн. Нийслэлийн 33-р дунд сургууль /1985/, Москва хотын Хилийн цэргийн Улс төрийн дээд сургуулийг /1991/ төгссөн. “Сэрэлт-Оч” компанийн захирал /1998-2003/, 2003 оноос “УБ синема” ХХК-ийн дэд захирлаар ажиллаж байгаа. 2007 оны дөрөвдүгээр сараас одоог хүртэл Ногоон намын Гадаад асуудал хариуцсан дарга. Орос, англи хэлтэй нэгэн.