Монголоос олдсон 200 жилийн настай занданшуулсан шарил гадаадын
хэвлэлүүдийн анхаарлыг татаж байна. Их Британийн “Telegraph” сонин
“Улаанбаатар хотоос тугалын арьсанд боосон ламын цогцос олдлоо. Лам
ховсын аргаар гүн бясалгал хийж байгаа тул бүрмөсөн амьсгал хураагаагүй,
амьд хэвээрээ байгаа гэж Буддын шинжээчид үзэж байна” хэмээн нийтэлжээ.
Лам зүүн гараа дэлгэж, баруун гараараа Судар айлдах гэж буйг бэлгэдсэн байдалтай олдсон нь эртний Буддын шашны ёс бөгөөд үхээгүйг нотолно гэжээ. Мөн түүнийг үхэл, амьдралын хоорондох замыг гэтлэх “тукдам” хэмээх гүн бясалгал хийж байгаа гэж үзсэн байна.
Лам зүүн гараа дэлгэж, баруун гараараа Судар айлдах гэж буйг бэлгэдсэн байдалтай олдсон нь эртний Буддын шашны ёс бөгөөд үхээгүйг нотолно гэжээ. Мөн түүнийг үхэл, амьдралын хоорондох замыг гэтлэх “тукдам” хэмээх гүн бясалгал хийж байгаа гэж үзсэн байна.
Бясалгалын нэрт судлаач, доктор Барри Керзин “Хүн ийм байрлалтайгаар
гурван долоо хоногоос дээш хугацаагаар суувал бие эрхтэн нь аажмаар
агшина. Тэгээд үс, хумс, хувцаснууд нь бүгд хэвээр хадгалагдаж үлдэх
боломжтой” хэмээн ярьжээ. Хэрэв бясалгагч хүн ийм байрлалаа удаан хадгалж чадвал Бурхан Будда болдог гэж Барри Керзин хэлжээ. Ийм маягаар оюун санааны дээд ертөнцөд хүрсэнээр бусдад тусалж, баяр жаргалыг мэдрүүлэхийн гайхамшгийг үзэх юм.
Гүн
бясалгалд орсон лам хүн өөрийнхөө дотоод энергийн хүчээр биеэ
муудуулахгүй хэдэн мянган жил ийм байдлаар оршиж чадна. Гаднаа физик
үхэл мэт харагдавч дотроо сэтгэл нь гэрэлтэн, амьд буй. Шинжлэх ухаанд
ийм зүйлийг огт боломжгүй гэж үздэг хэдий ч Буддын шашны лам нар
гайхамшгийг үзүүлсээр байна.
Олны анхаарлыг татаад буй занданшуулсан шарилыг Гэсэр богд гэгээнийх гэсэн таамаг гарсан ч нотлоогүй байна.
Олны анхаарлыг татаад буй занданшуулсан шарилыг Гэсэр богд гэгээнийх гэсэн таамаг гарсан ч нотлоогүй байна.
Дээрхтэй төстэй хэрэг 2002 онд ОХУ-ын Буриадад гарч, дуулиан дэгдээж байжээ. Даши-Доржо Итигилов хэмээх ламын занданшуулсан шарилыг газраас ухаж гаргахад өмхийрч, муудсан шинж бараг ажиглагдаагүй юм. Итигилов гэгээнтэн “бүрмөсөн үхээгүй” бөгөөд түүний биеийн температур Улаан Үдийн сүмийн тэмдэглэлт арга хэмжээнүүдийн үеэр нэмэгддэг байна. Түүнийг 1927 онд бясалгал хийж байгаад амьсгал хураахад шавь нар нь очир завилгаар суулган, биеийг нь давсаар боожээ.
Мөн
Тайландын Самуй арлын Буддист сүмд хадгалагдаж буй лам багшийн мумми нь
жуулчдын сонирхлыг ихээр татдаг. Луан Фо Даэн нэртэй лам 79 насандаа
бясалгал хийж байгаад өөд болсон юм. Түүнийг нас барсаны дараа шавь нар
нь шарилыг шилэн хоргонд хийж хадгалан олон нийтийн өмнө дэлгэн тавьжээ.
Мөн хар нүдний шил зүүлгэсэн байна. Ламын шарил 1979 оноос хойш өнөөг
хүртэл сайтар хадгалагдаж байгаа бөгөөд жуулчид байнга очиж хүндэтгэл
үзүүлдэг гэнэ.
Эх сурвалж:
http://www.telegraph.co.uk/news/worldnews/asia/mongolia/11387391/Mongolian-scientists-study-200-year-old-mummified-monk-who-is-still-alive.html
http://www.patheos.com/blogs/progressivesecularhumanist/2015/02/buddhist-experts-claim-mummified-monk-is-still-alive/
http://www.patheos.com/blogs/progressivesecularhumanist/2015/02/buddhist-experts-claim-mummified-monk-is-still-alive/
Б.Сондор
Сэтгэгдэл (7)