Нас барсан хүнийг хилээр нэвтрүүлсэн ноцтой хэрэг гарсан талаар бид мэдээлсэн. Тодруулбал, энэ сарын 2-ны өдөр Замын-Үүдийн хилээр манай улсын иргэн хайрцаганд нуугдаж нэвтэрсэн байна. Гэвч хайрцаганд байхдаа агааргүйтэж, бүтэж нас барсан харамсалтай хэрэг гарлаа. Албаны эх сурвалжийн мэдээлснээр тэрээр бичиг баримтгүй учраас ийнхүү хайрцаганд нуугдаж хил нэвтэрсэн аж. Уг хэргийг цагдаагийн байгууллага шалгаж байна. Энэ талаар бид ГЕГ-ын хэвлэлийн төлөөлөгчтэй холбогдож тодруулахад "Ийм зүйл болсон нь үнэн. Бид шалгалт явуулсан. Одоо эрүүгийн хэрэг үүсээд явж байгаа болохоор дэлгэрэнгүй мэдээлэл өгөх боломжгүй" гэв.