УИХ дахь АН-ын бүлэг хуралдаж дараа нь бүлгийн дарга Б.Гарамгайбаатар, бүлгийн дэд дарга Ш.Түвдэндорж нар мэдээлэл хийлээ. АН бүлгийн хурлаараа УИХ-ын дарга З.Энхболдын мэдээллийг сонсчээ. Тэрээр Үндэсний статистикийн хорооны дарга, АТГ-ын дэд дарга болон Сонгуулийн ерөнхий хорооны гишүүдийн томилгооны талаарх мэдээллийг танилцуулжээ. Мөн Цагаан сараас өмнө УИХ-ын чуулганаар хэлэлцэх хуулийн төслийн жагсаалтын талаар мэдээлсэн байна. Дараа нь Уул уурхайн дэд сайд Г.Тэмүүлэн Гацууртын ордоос төр хувь эзэмших тухай, Ашигт малтмалын тухай хууль өөрчлөлт оруулах хуулийн төслийн талаар танилцуулжээ. 2015-2016 онд төрийн өмчийг хувьчлах жагсаалт гарчээ. Үүнийг АН-ын бүлгийн хуралдаанаар хэлэлцээд хувьчлах нь зүйтэй гэж үзсэн байна.