АНУ-ын ерөнхийлөгч Барак Обама Украйнд байлдааны хөнөөлт зэвсгүүдийг нийлүүлэх арга замыг судалж байгаа хэмээн мэдээллээ. Тэрээр энэхүү мэдэгдлийг Германы канцлер Ангела Меркельтэй шинэ энхийн хэлэлцээрийн асуудлаар уулзсаны дараа хийжээ.

    АНУ-ын ерөнхийлөгч Барак Обама Украйнд байлдааны хөнөөлт зэвсгүүдийг нийлүүлэх арга замыг судалж байгаа хэмээн мэдээллээ. Тэрээр энэхүү мэдэгдлийг Германы канцлер Ангела Меркельтэй шинэ энхийн хэлэлцээрийн асуудлаар уулзсаны дараа хийжээ.

Обама дорно зүгт явуулах дипломат ажиллагаа нь амжилтгүй болсон тохиолдолд дээрх арга хэмжээг авахаар бэлдэж байгаа гэжээ. Мөн АНУ-ын дээд албан тушаалтнууд Ангела Меркелийн дургүйцлийг үл харгалзан зэвсэг нийлүүлэхийг шаардсан хэмээн мэдэгдсэн байна.

Обама хэвлэлийн хурлын үеэр ОХУ-ыг Минскийн хэлэлцээрийн бүх амлалтаа зөрчсөн хэмээн буруутгасан байна.  Харин ОХУ босогчдод цэргийн хүч илгээсэн болон зэвсэг нийлүүлсэн гэх мэдээллийг үгүйсгэсээр байгаа юм. Мөн АНУ Украйнд хөнөөлт зэвсэг нийлүүлбэл өнөөгийн байдлаас ч илүү их сүйрэл авчирна гэсэн байр сууриа илэрхийлжээ.
Украйны хямралын улмаас нийт 5300 гаруй хүн амиа алдаж, 1.5 сая хүн орон гэрээ орхин дүрвээд байгаа юм.