Билгийн тооллын XVII жарны "галзууруулагч" хэмээх модон хонь жилийн сар шинийн баярт зориулсан улс  аймгийн алдар цолтой 256 бөхийн барилдаан уламжлал ёсоор битүүний өдөр буюу энэ сарын 18-нд болно. Бөхчүүд болон бөх сонирхогчид сар шинийн барилдаанд нэлээдгүй ач холбогдол өгдөг заншилтай. Учир нь цагаан сарын барилдаанд  амжилттай барилдсан бөхчүүд тухайн жилийнхээ улсын баяр наадамд сайн барилдаж, цолоо ахиулах тохиолдол элбэг билээ. Тиймээс бөх сонирхогчдын дунд сар шинийн барилдаанд хэн түрүүлэх вэ гэдэг таавар нэлээдгүй явж байна. Өнгөрсөн жилийн сар шинийн барилдаанд улсын гарьд Д.Рагчаа түрүүлж, аймгийн арслан О.Хангай үзүүрлэж байв.