Бид хасах температурт тэсвэртэй цөөнгүй амьтдыг мэддэг ч Аляскийн модон мэлхий шиг гайхамшигтай нь үгүй. Энэ бяцхан хоёр нутагтан биеийнхээ 60 хувийг хөлдөөж, хавар болохоор буцаж амилдаг онцгой чадвартай. Өвлийн гурван сарын турш мэлхийнүүд амьсгалахаа больж, зүрх нь зогсдог болохыг судлаачид нотолжээ. Тэд энэ чадварынхаа ачаар хасах 9-18 градусын хүйтнийг даван туулдаг юм.

Модон мэлхийнүүдийн эд, эсэд хэт хөргөлтөөс хамгаалах элементүүд ихээр агуулагддаг нь энэхүү хосгүй үзэгдлийн нууц ажээ. Тэд глюкозыг ууршуулан хадгалж, хүйтний улиралд эсээ агшихаас хамгаална. Өөрөөр хэлбэл, биеийн илүүдэл усаа гадагшлуулан хөлдөөж, дараа нь хуурайшуулдаг.

Гайхамшигт мэлхийнүүдийн ачаар анагаахын эрдэмтэд амьд эд, эрхтнийг ямар ч аюулгүйгээр хөлдөөж, хайлуулж болдог гэдгийг нотолсон юм. Энэ нь эрхтэн шилжүүлэн суулгах аргад үнэлж баршгүй хувь нэмэр оруулжээ.