Нийслэлийн Мэргэжлийн хяналтын газарт ирүүлсэн иргэний гомдол,  газрын дэд даргын баталсан “Төлөвлөгөөт бус хяналт шалгалт хийх тухай” 02-03/48 дугаартай удирдамжаар “Барс импэкс” ХХК-ний худалдааны төвд “Хэмжлийн нэгдмэл байдлыг хангах тухай” хуулийн хэрэгжилтэнд  шалгалт хийв.

Шалгалтаар худалдааны төвийн зүүн талд чингэлэгийн Д хэсэгт худалдаа эрхлэгчдийн жин хэмжүүрийн баталгаажуулалт, ашиглалт, савласан бүтээгдэхүүний тоон хэмжээнд хяналт шалгалтыг хийж гүйцэтгэхэд дараахи зөрчил дутагдал илэрлээ. Үүнд:

    Жин хэмжүүрийн улсын баталгааны хугацаа дууссан /нийт 16 чингэлэгийн  жин хэмжүүр улсын баталгаагүй байсан/

    Тэдгээр чингэлгээр 1кг-аар /жижиглэнгээр/ савласан худалдаалж байсан үзэмийг жинлэж үзэхэд 900-925гр буюу 1кг үзмийг 75-100гр-аар дутуу савласан байв.

    Худалдааны төвд хяналтын жин хэмжүүр байрлуулаагүй

    Стандартчилал хэмжилзүйн газартай хэмжих хэрэгсэл баталгаажуулах гэрээг шинэчилэн байгуулаагүй.
    Худалдааны төвийн хэмжилзүйн дотоод хяналт хангалтгүй зэрэг зөрчил илэрсэн нь “Хэмжлийн нэгдмэл байдлыг хангах тухай” хуулийн холбогдох заалтуудыг зөрчиж  байна.

      “Барс импэкс” ХХК-д шалгалтаар илэрсэн зөрчлийг арилгуулахаар улсын байцаагчийн хугацаатай албан шаардлага болон зөвлөмж хүргүүлэв.

         Шалгалтын явцад улсын баталгааны хугацаа дууссан  жин хэмжүүрийг ээлжит баталгаажуулалтад бүрэн хамрууллаа.