Австралийн Сидней хотын терроризмтэй тэмцэх цагдаагийн баг халдлага үйлдэхээр төлөвлөж байсан хоёр сэжигтэнг баривчилжээ. 24, 26 настай сэжигтэн эрсийг Сидней хот дахь гэртээ байхад нь баривчилсан бөгөөд хэргийг лхагва гарагт шүүхээр хэлэлцэхээр болсон байна.

    Австралийн Сидней хотын терроризмтэй тэмцэх цагдаагийн баг халдлага үйлдэхээр төлөвлөж байсан хоёр сэжигтэнг баривчилжээ. 24, 26 настай сэжигтэн эрсийг Сидней хот дахь гэртээ байхад нь баривчилсан бөгөөд хэргийг лхагва гарагт шүүхээр хэлэлцэхээр болсон байна.

Цагдаагийн газрын мэдээлснээр тэдгээр хүмүүсээс хэт даврагч Исламын улс бүлэглэлийн далбаа болон ангийн хутгыг хураасан байна. Мөн гэрт нь Исламын улс бүлэглэлийн нэрийн өмнөөс террорист халдлага үйлдэнэ гэсэн бичлэг байсан тул яах аргагүй томоохон заналхийлэл төлөвлөсөн хэмээн үзэж байгаа аж.

Австрали улсад өнгөрсөн жилийн сүүлээр томоохон террорист халдлага гарсны улмаас цагдаа нар өндөр сэрэмжтэй ажиллаж байгаа юм. 2014 оны 12 дугаар сард Сидней хотын кафед буутай этгээд 18 хүнийг барьцаалсан томоохон хэрэг гарсан билээ.

Д.Идэр