Монголын шайбтай  хоккейн холбооноос эр зоригийн спортын төрөл болох хоккейн спортыг хүүхэд, залуу үе, иргэдэд сурталчилж, хөгжүүлэх зорилгоор анх удаа Төр, засгийн баг-Бизнесийн багийн хооронд хоккейн шоу тэмцээнийг 2015 оны 2 дугаар сарын 15-ны өдрийн ням гаригт 14.00 цагаас  Чингисийн талбайд зохион байгуулах гэж байна.

Тэмцээнд төр, засгийн багийг төлөөлж УИХ-ын гишүүд, Засгийн газрын төлөөлөл, төрийн албан хаагчдын төлөөлөл оролцоно.

Бизнесийн багт аж ахуйн нэгж, компанийн захирлууд, менежерүүд оролцоно. Цаашид уламжлал болгон жил бүр зохион байгуулж байхаар Монголын шайбтай хоккейн холбоо шийдвэрлэжээ.